Manufahi___RKM News : Cruz Vermelha De Timor Leste realiza Formasaun hodi fahe informasaun ba Lider komunitaria nain sanulu (10) no Voluntario sira kona ba Kontrolu Epidemia no Vijilansia iha Ida Idak Nia Suku hodi bele kontra rumoris kona ba transmisaun lokal ba Covid 19,Formasaun ne’e hala’o iha salaun CVTL Filial Manufahi.( Kinta/11/02)
Responsavel Saude CVTL Nasional Marcelino Albuquerque ba Jornalista hateten Aktividade Formasaun ne’e hala’o hanesan faze preparasaun ba Lider Komunitaria,PSF No Voluntario sira, atu nune’e iha konhesimentu hodi bele halo Kontrolu iha ida-idak Nia Suku karik mosu Kazu ruma liga ho moras Covid 19, Sira bele relata ba Vijilansia ne’ebe besik, Saude ou CVTL hodi bele foti asaun.
Fatin hanesan Vice Presidente board CVTL Filial Manufahi Trinitus Sarmento hateten Moras Covid 19 susar tebes atu kura maibe Liu husi informasaun Husi ema Ida ba ema seluk sai hanesan aimoruk Ida hodi bele prevene. No Liu husi formasaun Ida ne’e bele hametin Liu Tan parseria entre Lider komunitaria ho CVTL hodi bele ezerse no transmite informasaun ba komunidade sira ho kredivel.
Entertantu Formasaun ne’e rasik Sei hala’o durante loron rua.
Leky Mauk
