Friday, June 21, 2024
spot_imgspot_img
HomeNotisiaKomemorasaun Loron 20 De Maio Tinan Nee la Realiza

Komemorasaun Loron 20 De Maio Tinan Nee la Realiza

Manufahi RKM News====Presidenti komisaun organizadora loron nasionaís munisípiu Manufahi, Trinito Sarmento informa, baseia ba orentasaun husi konsellu ministru katak, komemorasaun tinan 19 loron restaurasaun 20 de Maiu tinan ida ne’e sei la realiza, inlui atividade sira seluk tanba relasiona ho pandémia covid-19 ne’ebé nasaun infrenta.

Presidenti komisaun ne’e hateten, maske komisaun halo ona preparasaun ba fatin serimónia iha Luak, inklui halo formasaun ba estudante sira ne’ebé sai hanesan ekipa korpu isar bandeira, maibé ho kanselamentu ne’e estudante sira ne’ebé tuir ona formasaun durante semana rua, sei prepara fali ba serimónia hasa’e bandeira iha loron nasionaís tuir-mai maibé depende ba desizaun governu nian.

Nune’e mós administradór munisípiu Manufahi Arantes Isaac Sarmento, agradese ba komunidade munisípiu Manufahi, maske serimónia isar bandeira 20 de Maiu tinan ne’e la realiza, maibé komunidade sira hatudu nafatin spiritu nasionalizmu hasa’e bandeira iha ida-idak nia uma oin hahú iha loron 01 fulan-Maiu to’o agora.

Adminisradór Arantes informa kona ba selebrasaun misa iha loron 19 fulan-Maiu, parte parokia nafatin selebra, tanba ida ne’e programadu ona husi parte deosese nian ba selebrasaun misa kada loron nasionaís.(Esm).

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...
0
Would love your thoughts, please comment.x
()
x