Manufahi RKM News –tersa feira (30-11) ohin,Lideransa komunitária ho nia populasaun suku tutuluru postu Administrativo Same Munisipiu Manufahi rekomenda ba minístru óbras Públika atu resólve ponte taramota karau ulun.
Tuir autoridade suku tutuluru Sebastião da Costa ornai, no komunidade Joaquim da Silva rekomenda ba minístru obras públika, atu resólve mós ponte mota karau-ulun tanba ekipa tékniku sira mai halo ona levantamentu dadus, no tuir planu atu halo kontruksaun iha tinan 2021 maibé to’o agora ladauk realíza.
Hatan ba kestaun ne’e minístru óbras públika Salvador Soares dos Reis Pires hateten, kona ba ponte iha tinan 2019 ekipa tékniku halo ona estúdu ba pakóte ponte 10 inklui ponte mota karau-ulun iha suku Tutuluro nian.
‘’no prosesu perparatívu remata ona no haruka ona ba ajénsia dezenvolvimentu nasionál (ADN) hodi halo verifikasaun’’haktuir Governante ne’e iha seremonia lansamento liña elektrisidade iha sede suku tutuluru
Governante ne’e hatutan projetu refere kontínua hatama ona proposta ba konsellu administrasaun fundúz infrástrutura hodi hetan apróvasaun hafoin loke prosesu tenderizasaun ba públiku.
‘’simmmm hau la prométe maibe tenderizasaun ba ponte refere iha tinan ida ne’e ka tinan oin, tanba la’os depende ba komptensia ministériu obras públika nian maibé kompeténsia interministérial nian’’minsitro obras Salvador remata(esm)
