Manufahi RKM News-Sexta feira (10/ 12 )Asosiasaun Tane Konsumidór(ATK)sosialíza sorumutu iha administrasaun munisípiu hodi partilla informasaun kona ba konsomidór nia direitu iha Timor leste, ba autóridade, vendedór no konsumidór sira iha munisípiu Manufahi.
Tuir Presidenti Asosiasaun Tane konsomidór António Ramos iha ninia diskursu hateten, Tane konsumidór hanesan asosiasaun dahuluk ne’ebé harí iha Timor leste husi Timor oan lúbun ida.
“Tanba ne’e ita servisu hamutuk ho asosiasaun komersiante sira iha Timor leste. asosiaaun chinéza sira, inklui asosiasaun sira husi nasaun seluk, hodi halo advoasaun no defende direitu konsumidór sira iha Timor leste”
António Ramos reálsa, iha Timor Leste dala wa’in mosu problema entre konsumidór ho vendedór sira maibé la iha solusaun hodi prejúdika konsumidór sira nia direitu.
“tán ne’e asosiasaun tane konsomidór ne’e nia prezénsa atu buka solusaun no defende no halo advokásia ba konsomidór sira nia direitru iha Timor leste”
Fatin hanesan Administradór munisípiu Manufahi Arantes Isaac Sarmento, agredese ba asosiasaun Tane konsumidór bele halo sorumutu ne’e, hodi partilla informasaun kona ba dever vendedór no direitu konsumidór sira iha Manufahi.
” Ita hare tanba dala wa’in vendedór sira fa’an sasán liu ona prázu hodi afeta ba konsomidó sira nia saúde”
tán autoridade ne’e sublina ho sorumutu ne’e munisípiu Manufahi bele kría fali ekipa konjunta ida invólve entidade hotu, nune’e bele halo kontrólu ba sasán ne’ebe fa’an iha Lóza inklui atu defende direitu konsumidór iha munisípiu Manufahi.
Entretantu partisipa iha sorumutu ne’e autóridade sira, emprezáriu, negosiantes no konsumidór sira iha Manufahi. (Esm& Guterres)
