Manufahi RKM News-Sexta Feira, (10-12),Oitávu governu sei implementa desentrálizasaun média to’o iha Munisípiu ha’at(4) hanesan Manufahi, Aileu, Bobonaro, no Lautem, hafoin abransa ba munisipiu sira seluk., nune’e lori média hakbesik ba povu iha área rurál atu asésu ba informasaun.
xéfi Gabineti Sekretáriu Estadu Komunikasaun Sosial (SECOMS) Osório Almeida, ne’ebé reprezenta sekretáriu estadu komunikasaun sosiál hato’o asuntu ne’e, iha sorumutu sosialízasaun kríasaun média munisípiu ba autóridade no lideransa komunitária sira iha salaun admnistrasaun munisipiu Manufahi.
Nia hateten, Ministériu Asuntu Parlamentár no Komunikasaun Sosiál (MAPCOMS) liuhosi servisu dirasaun nasionál prómosaun no dezenvolvimentu média lokál (DNPDML), kría ona polítika atu halo desentralizasaun ba média labele Sentralíza de’it iha kapitál Dili.
“ maibé prezénsa média tenki to’o ona iha munisipiu, postu, suku no aldeia sira, nune’e povu iha área rurál bele hato’o sira nia aspirasaun no mós bele asésu informasaun kona ba dezenvolvimentu liu husi knál média sira iha munisípiu no nasionál.”
Diretór servisu dirasaun nasionál prómosaun no dezenvolvimentu média lokál (DNPDML) Jóse da Costa hateten, kríasaun média munisípiu la’os atu harí fali média foun hanesan rádiu no televizaun foun iha munisípiu.
“ maibé kríasaun média munisípiu ne’e atu akumúla orgaun komunikasaun sosiál sira hotu iha iha nasionál no munisípiu”
Nia hatutan nune’e fasíl atu asésu ba kobertura to’o iha munisípiu, postu, suku, no aldeia hodi responde ba preukupasaun komunidade nian.
kona ba média nasionál sira labele asésu kobertura to’o iha área rurál tanba problema fasilidade no rekursu umána.
Fatin hanesan administradór munisípiu Manufahi Arantes Issac Sarmento, agradese ba politika oitávu governu nian lori média hakbesik ba povu iha área rural.
Alende ne’e autoridade apéla ba lideransa komunitaria no autóridade sira atu kolabora hodi fó susésu ba kríasaun média iha munisípiu, nune’e bele kontribui ba dezenvolvimentu liu husi informasaun li-liu kona ba politika dezentralizasaun ne’ebé atu implemnta iha munisípiu, média nia papél importante hodi kontribui ba politika dezentrálizasaun nian
Entretantu partisipa iha sosializasaun ne’e, administradór munisipiu,adminisradór sira,diretór servisu munisípais sira, lideransa komunitári , sosiedade sivíl, komandante polisia, asosiasaun média ARS,radio komunidade,sentru informasaun suku Rotuto inklui jornalista sira.
Jornalista : Vascu Mendes
Editor : Guteres
