Manufahi RKM News -segunda-feira (13/12) ohin,Sekretaria Estadu Joventude no disportu (SEJD) Kolabora hamutuk ho Centru Foinsa’e Dom Boaventura Maun-Fahe (CEFOBOM) realiza formasaun ba foinsa’e eleitu suku 29 iha Manufahi hamutuk na’in 58.
matéria Ne’ebé importante iha formasaun ne’e kona ba,jestaun, planu, proposta, Relatóriu, Monitorizaun, no Avaliasaun Oinsá Joven Sira bele Halo Gestaun ne’ebé di’ak No sai Joven ne’ebé mak Iha responsabilidade.
aktividade ne’e realiza durante semana ida, iha Salaun iskóla sekundária Katólika Postu Administrativu Same Municipiu Manufahi.
Tuir Diretór nasionál Sekrétariu estadu Joventude disportu (SEJD), Cesarino da Silva ne’ebé reprezenta (SEJD)
hateten, SEJD iha programa bo’ot 2 ba foinsa’e sira hanesan programa disportu no programa hasa’e kreatividade foinsa’e sira nian.
“Ho ida ne’e hodi buka solusaun ba sira nia problema iha vída lor-loron nian”
Nune’e mós Jerénti CEFOBOM Antoninho Doutel Sarmento husu Foinsa’e eleitu suku sira atu aproveita Oportunidade ida ne’e.
” tuir formasaun ida ne’e ho didi’ak nune’e ba oin bele aplíka no hatutan fali ba foinsa’e sira ne’ebé iha baze..”
Fatin hanesan Diretór planu dezenvolvimentu Munisípiu Manufahii José Godinho, ne’ebé reprezenta administardór Munisípiu agradese ba SEJD no CEFOBOM tanba bele realíza formasaun ne’e ba foinsa’e eleitu suku husi postu administrativu fatin 4 .
“Postu hat ne’e kompostu husi Postu Administrativu Same,Alas, Fatuberliu no Postu Administrativu Turiscai”
Nia sublina ho formasaun ne’e hodi nune’e bele kapasita foinsa’e sira hodi prepara an hodi partisipa direita iha prosesu dezenvolvimentu iha suku no aldeia.
Entertanto total Orsamentu ne’ebé hetan apoiu husi SEJD,ba atividade ne’e hamutuk osan dóllar Amérikanu $ 8,762.00.(esm)
