Manufahi RKM News-Sabádu Fim de Semana (18-12) ne’e,Universidade nasional Timor lorosa’e (UNTL) realíza judisium dála 25 ba Finalista Fakuldade edukasaun árte no umanidade na’in 198, iha salaun parokia Nossa de Assunção Same.
Dosente UNTL departementu formasaun profesóris ensínu báziku, Agustina Erni Flora de Jesus Perreira reprezenta dekana fakuldade edukasaun arte no umanidade, iha ninia diskursu hateten ministériu edukasaun joventude disportu servisu hamutuk ho UNTL realiza formasaun ba manórin na’in 3.900 resin iha munisípiu 12 inklui RAEO.
‘ho ida ne’e tuir ona formasaun profesóris ensínu báziku durante tinan 4 nia laran hodi hasa’e sira nia koeñesementu no hasa’e sira nia graun akademíku basarelatu edukasaun nian’’
Nia hatutan Kúrsu ne’ebé realíza iha munisípiu 12 inklui RAEO,Manufahi maka dahuluk realíza dahaluk judisium ba finalísta na’in 198 iha munisípiu Manufahi.
‘’ tempu badak sei grádua iha munisípiu Ainaro inklui finalísta sira seluk iha munisípiu hotu’’
Dosente ne’e sublina manórin na’in kontátadu sira ne’e priénse ona kritériu iha nível edukasaun nian.
‘’tanba ne’e depende ba ministériu Edukasaun Joventude no disportu atu rezólve sai funsionáriu permanenti’’
Nune’e mos Visé ministru Edukasaun Joventude disportu António Guterres fó parabens ba finalísta na’in 198 iha Munisípiu Manufahi.
Ho ida ne’e nia husu ba finalísta Manufahi oan sira fila ba ida-idak nia iskóla atu aplíka matenek ne’ebé hetan ona kúrsu akadémiku UNTL hodi edukasaun ita nia oan sira.
‘’tanba nee’ ministériu Edukasaun Joventude sei esforsu atu rezólve manórin na’in kontratádu sai funsionáriu permananeti iha tinan oin.
Fatiin hanesan finalista Ana das Neves sente orgúllu no agradese ba ministeriu Edukasaun no UNTL ne’ebé fasilita ona formasaun ba manórin na’in kontratadu sira iha Manufahi, no agradese mós ba familia ne’ebé fó apoiu konsege finalíza kursu ne’e maske iinfrenta defikuldade no dezafiu oin-oin.
Entretantu partisipa iha serimónia judisíum ne’e Administradór Munisípiu Manufahi no Autoridade sira no família finalísta sira.
Jornalista : Ina Araujo
Editors : Guteres&Eva
