Manufahi RKM News-kinta feira(16-12)durante Tinan rua nia laran PNTL Manufahi la iha dadus kona ba konflitu pasadu no konflitu potensiál ,la registu dadus tanba PNTL kolabora Ho Entidades hotu hodi redus Konflitu iha manufahi
Komandante Komando Polisia Manufahi Superentendenti Xefi Polisia Joni Viana das Regras afirma asuntu ne’e bainhira realiza Talk Show Ho NGO Belun relaciona ho prevensaun Konflitu Iha Studio Radio Komunidade 1912 Manufahi.
Nia hateten prezensa Komandante nian durante tinan 2 iha Manufahi la iha Konflitu tanba Parte PNTL manufahi servisu hamutuk ho Autoriedade Manufahi hodi redus konflitu ne’e.
‘’PNTL Nia knar hanesan hirarkia ida ne’ebé servisu ho disiplina no nia natureza hanesan Militar’’
Tanba ne’e PNTL Manufahi iha maneira atu hodi prevene kazu sira ne’ebé akontese mak hanesan dalan aprosimasaun ho ema ne’ebé halo problema nune’e hodi identifika kauza ne’e mai husi ne’ebé.
Molok Joni Viana remata nia husik hela mensagen ba komunidade Manufahi atu hakribi violensia no tenki kuda kultura hadomi,nia hakotu,(RKM)
