Manufahi RKM News – quinta feira (16/12)ne’e ,NGO belun realiza talk show ho tema hamotuk prevene konflitu no hari dame hodi halakon in- justisa no haburas desenvolvimentu iha komunidade
Tuir Gestór programa NGO Belun Romaldo Caetano iha Talk Show ne’e hateten objektivo husi atividade ne’e atu partilia informasaun liu husi Radio ba komunidade sira atu hametin pillar prevensaun konflitu no harii dame iha sociedade.
‘’tanba ne’e Mak NGO Belun hanesan Sociedade Sivil ida Ne’ebe servisu hamutuk ho entidades hotu hodi hametin pas no estabilidade iha rai ida ne’e’’
Nia hatutan NGO Belun mak Organizasaun nasional,hari tinan 2004 atu partisipa iha prosesu desenvolvementu no hari’i Nasaun Timór Leste.
‘’Belun ho nia Vizaun ne’ebé reafirma nia planu estratégia ba tinan 2019 -2023 maka sosiedade Timor Leste iha kbiit’’
Ho ida ne’e Belun iha kreativu no kritiku hodi hametin dame ba desenvolvementu,atu hodi alkansa vizaun ida ne’e tanba ne’e Belun ho nia misaun serbí sociedade no prevene konflitu ho integridade no inovativu.
‘’alende ne’e iha fulan outubru 2021 NGO Belun kontinua hametin nia parseria ho Governu liu husi apoio fundus kiik iha Gabineti Primeiru Ministru ‘’
Tanba ne’e liu husi Centru Nasional Chega (CNC),apoiu ba Belun tanba iha nia pillar prevensaun konflitu ba programa prevensaun no rezolusaun konflitu .
‘’espesifikamente atividade monitorizasaun insidenti ho violensia liu husi sistema atensaun no responde sedu iha munsipiu haat hanesan Munisípiu Dili,Manufahi ,Ainaru no Munisípiu Bobonaro’’
Ho ida ne’e maka NGO Belun halao koperasaun servisu hamutuk ho parseiru sira hanesan Autoridade Komunitariu,Autoridade Governu Lokál ,Autoriedade Munisípiu,Autoriedade Seguransa PNTL ,parseriu monitorizador ,rede prenvensaun no responde konflitu(RPRK) ,Ofisiál Polisiamentu Suku (OPS),Organizasaun Sociedade Sivíl,Konsellu Polisiamentu Komunitaria(KPK),no Rede referál violensia bazeia ba jéneru no seluk tan.
Entertanto orador ba talk show ne’e maka hanesan Diretor Ezekutivu Centru Nasional Chega(CNC),Komandante Polisia Superentendente Polisia Manufahi,Gestor Programa NGO Belun ,Sofrevivente konflitu pasadu modera husi Radio Komunidade 1912 Manufahi .
Jornailsta : Vasco&Kaba
Editora : Carmo&Eva
