Manufahi RKM News====Tersa fera ne’e 28/12/21“Komandante Komandu Polisia Munisipiu Manufahi, Superintendenti Polísia Joni Viana das Regras hateten Selebrasaun festa Natal iha Munisipiu Manufahi la’o hakmatek, tanba foinsa’e sira iha ona konsiénsia kontribui ba Paz no estabilidade.”
“Atu asegura situasaun siguransa ba selebrasaun festa Natal no Tinan foun, komandu polisia hatun membru polisia hamutuk ema na’in atus ida resin hodi halo siguransa ba selebrasaun festa Natal iha postu administrativu Same, Alas, Fatuberliu, no Turiscai,
situsaun em jerál durante selebrasaun festa Natal lao hakmatek, tanba Maiória foinsa’e sira hatudu duni konsiénsia hadomi paz no dame iha komunidade nia le’et.”
“Nia dehan, polisia halo patrolla iha bairo sira ne’ebe uluk sempre mosu konflitu, maibe bairu hirak ne’e la iha ona konflitu, tanba joven sira maioria hatudu ona konsiensia hadomi dame no paz.”
“Durante selebrasaun festa natal movimentu roda viariu iha sidade Same la’o normal no la mosu asidenti trafiku ne’ebe grave.”dehan joni Viana Das Regras
Entertantu Komadante Polisia Manufahi mós hato’o boas festa Santo natal no tinan foun ba komunidade hotu iha Munisipiu Manufahi, no apela ba sidadaun hotu kontinua mantein paz no estabilidade durante selebrasaun tinan foun no ba futuru.
