Manufahi RKM News- kuarta -feira (05/01) ohin,Kandidatu ofisiál monitorizasaun Komisaun Nasionál Elisaun (CNE) munisípiu Manufahi ba elisaun presidénsial na’in 177 tuir téste Orál iha eskritori CNE
Tuir Diretóra munisípal komisaun nasional elisaun (CNE) munisípiu Manufahi Melina dos Reis ba jornalista informa katak, kandidatu na’in 177 ne’ebe tuir téste oral ne’e kompostu feto na’in 81 no mane na’in 96.
‘’kandidatu sira ne’e liu ona téste eskrita iha semana hirak liu ba, no ohin tuir téste orál no kandidatu sira ne’e mai husi postu administratívu fatin 4 hanesan Same, Alas, Fatuberliu no Turiscai.
kandidatu na’in 177 ne’ebé tuir téste orál ne’e realiza durante loron rua hahu husi loron kuarta feira (05-01) téste hahu uluk husi postu Administrativo Turiskai Alas no Fatuberlihu no sei remata iha kinta feira (06-01)husi postu Administrativo same.
Kandidatu nain 177 sei perciza na’in 110 atu halo monitorizasaun ba prosesu elisaun presidensiál iha sentru votasaun no estasaun votu ne’ebé estabeleze iha suku 29 iha muniipiu Manufahi.
Entretantu kandidatu ne’ebé sei liu iha téste Orál, CNE Sei fo kontratu durante fulan 3.
Jornalista : Densia
Editora : Eva Marques
