Manufahi RKM News-kuarta feira(05-01)Fundasaun Luta Ba Futuru realiza Formasaun Redusaun Risku Dezastre), Re-ativa Estrutura komisaun Gestaun Risku dezastre suku (KJRDK) no Gestaun ba Risku Dezastre Base iha Komunidade (JRDBK), Formasaun Gender no Inkluzaun Sosial (GESI) ba Membrus konsello suku no Komunidade sira iha suku Kaimauk Postu Administrativu Turiskai Munisipiu Manufahi
Tuir Coordenador Departamento Natural Resource Management (NRM) Emanuel Dobes Pinto ba jornalista liu husi via Whatshapp hateten,Objetivo husi Formasaun ne’e atu reativa estrutura komisaun Jestaun dezastre suku.
‘’ no kapasita hodi hasa’e konsiensia komunidade nian nune’e bele halo Jestaun ba Dezastre iha nivel suku sira alende ne’e Halo Avaliasaun ba Risku dezastre ne’ebé kada tinan akontese ona’’
Ho ida ne’e halo mos planu asaun ba redusaun risku dezastre baseia ba risku dezastre ne’ebé kada tinan akontese no identifikadu ona.
‘’ ho formasaun ne’e ita integra mos asuntu Igualidade genero, inkluzaun sosial, no Protesaun labarik.
Manuel Pinto acresenta Formasaun ne’e Realiza Durante Loron 2 no remata Formasaun iha suku kaimauk Fundasaun sei kontinua halo sosialijasaun kona ba Vasinasaun Covid-19 iha suku Liurai.
Entertantu Programa ne realiza Fundasaun Luta ba Futuru (F-LbF)hetan koperasaun servisu no parseria ho Agensia CARITAS AUSTRALIA iha Timor Leste (CATL).(esm)
