Manufahi RKM News- kuarta-feira (05/01) horsehik, Padre vigáriu parokia Nossa senhora de assunção Same fó bensaun ba kareta foun rua, ne’ebé administrasaun munisípiu sósa ho montante ósan dollar amerikanu rihún lima núlu resin-sía atus sía ($ 59,900.00), hodi apoiu servisu operasionál iha munisípiu Manufahi.
Administradór munisípiu Manufahi Arantes Isaac Sarmento informa, kareta foun rua ne’e kompostu karro funeral ida atu fasilita tula komunidade sira nia familia ne’ebé mate, tanba kareta tula ema mate rua ne’ebé ministeriu solidariadade sosial apoiu ba iha Manufahi kleur ona.
‘’kareta ida aat total no ida seluk kondisaun la normal hodi defikulta ba atendementu hodi tula ema mate iha área munisípiu Manufahi, no kareta rush ida sósa ho intesaun atu fasilita servisu administrasaun munisípiu nian’’
Arantes isplika, molok sósa kareta foun rua ne’e administradór rasik liu husi zoom meeting ho minístru MAE iha situasaun covid-19 tinan kotuk hodi hato’o defikuldade ne’ebé administrasaun munisípiu infrenta.
‘’minístru MAE rasik hato’o katak administrasaun munisípiu bele hato’o pedidu emenviroment orsamentu munisípiu nian atu bele sósa kareta funerál ida ho kareta operasaun ida hodi fasilita nesesidade servisu adminisrasaun públiku nian iha Manufahi’’nia haktuir
Administradór munisípiu akresenta, kareta rua ne’e sósa ho orsamentu administrasaun munisípiu nian kareta funerál (triton) ho folin osan dollar Amérikanu rihun tolu-núlu resín-sía ($ 39,000.00), no kareta rush ho folin rihun rua-núlu atus sía lima-núlu (20,950.00)
Entertanto iha semana oin loron 10 fulan –janeiru séfi Governu konstituisional sei vizita Manufahi Hodi halo diálogu ho komunidade no autoridade sira (esm&guteres).
