Manufahi RKM news-Kuarta feira (12/01),Ministériu edukasaun joventude disportu (MEJD), hala’o désiminasaun informasaun kona ba sirkulár númeru 01/2022 ba diretór iskóla sira iha Manufahi, hapára prátika kualker kobránsa ilegál ba estudante sira, ne’ebé realíza iha salaun administrasaun munisípiu Manufahi
Tuir Diretór jerál edukasaun do ensínu Luís da Costa Fernandes, hafoin halo abertura ba sorumutu ne’e,katak, objetívu sorumutu ne’e atu partíla informasaun ba diretór iskóla sira.
“programa ne’e realiza ba Diretór eskola sira husi iskóla ensínu bázika, ensínu sekundáriu jerál no tékniku vokasionál sira iha munisípiu Manufahi”nia dehan
Nia hatutan kona ba sirkulár númeru 01/2022 ne’ebé MEJD hasai, bandu no hapára iskóla hotu iha Timor leste, halo kualker kobránsa ilegál ba alunu sira, li-liu iha prosésu matríkula ba alúnu foun sira iha tinan ida ne’e, inklui kobránsa ilegál sira seluk.
Diretór Haktuir tan, iha sirkulár ne’e katak kuandu diretór sira ne’ebé la kúmpri no kontínua hala’o prátika kobránsa ilegál, sei prosésu tuir lei ne’ebé vigór iha nasaun ne’e.
Entretantu partisípa desiminasaun ne’e, diretór no adjúntu diretór iskóla husi iskóla ensínu bázika,ensínu sekundáriu jerál no ensínu tékniku vokasionál husi postu administratívu Same,Alas,Fatuberliu no Turiscai. (Esm& Guterres)
