Manufahi RKM News-Kinta Feira (13/01),Ministério Agrikultura I Peskas Munisípiu Manufahi (Map)Hamutuk Autoridade Manufahi Lansa Kuda Ai -Kameli oan hamutuk 277 Ba Rai Hektares 0,25 Iha Fatin Istóriku Dom Boaventura Luak Manufahi Suku Daisua Postu Administrativo Same atu hodi kria ambiente ne’ebé di’ak
Tuir Diretór Agrikultura Munisípiu Manufahi Aurelio do Santos Marques iha intervista hateten objetivo husi kuda ai- kameli oan ne’e atu hodi komemora loron mundial floresta nian ne’ebé monu iha 27 de fevereiro fulan oin ne’e hanesan loron espesial ba sandálo ai kameli I Floresta.
‘’tanba ne’e ai-kameli ita konsidera hanesan patrimonio ambiental Nasionál ninian ho ida ne’e persiza protégé no konserva iha ita nia rain rasik’’dehan Diretór MAP Manufahi iha fatin istóriku Dom Boaventura Luak Manufahi
Aurelio haktuir iha tinan 2020 MAP Kopera ho ajensia Internasiónal Deutsche Gusellschaft fur internatinale Zusammenarbeit (sigla-Jerman) (GIZ) Produs ai -kameli oan hamutuk hun rihun 19 atus ida lima nulu iha Betano,iha tinan 2021 halo produsaun rihun 96,husi hirak ne’e distribui Ba Sentru Viveirus Komunitaria Betano Alas Dotik no sentru komunitaria Turiskai.
‘’planu ba oin MAP Sei kontinua kuda ai-kameli oan tuir Postu Administrativo Fatin haat Ne’e Atu hodi Promove ai-kameli oan iha munisípiu Manufahi’’
Fatin hanesan Administradór Munisípiu Manufahi Arantes Isaak Saramento informa Manufahi lansa kuda ai-kameli ba dá huluk ida ne’e importante tanba kria ambiente ne’ebé di’ak no ai-oan kameli ne’ebé kuda iha ne’e hanesan fatin istóriku ida iha Dom Boaventura .
Tanba Autóridade Governu ne’e apela Ba Atóridade lokál Suku Daisua No Komunudade sira atu protégé no asegura didi’ak Ai-kameli oan ne’ebe mak kuda ona iha luak nune’e la bele hetan estragus husi animal.
Entertanto partisipa iha lansamento kuda ai-oan kameli ne’e Autoridade Manufahi,F-FDTL Naval Postu Betano,representante CCLN Manufahi ,Estudante IBTL No Funsionariu MAP Manufahi.
Jornalista : Densya
Editor : Marques
