Manufahi RKM News-Sexta feira(14/01) ohin,Centru Foinsae Dom Boaventura Manufahi (CEFOBOM)realiza enkontru avaliasaun ho grupu benefisiariu sira iha salaun Francisco Xavier do Amaral CEFOBOM, oinsa atu hari’i rede advokasia iha nivel suku no aldeia.
Tuir Maneger General Centru foinsae Dom Boaventura Manufahi(CEOBOM)Antonino Doutel Saramento hateten programa hirak ne’e realiza tanba CEFOBOM halo kooperasaun ho Ajensia Caritas Australia Timor Leste(CATL) hodi hala’o programa (LIVELIHOODS) ba grupu targetu sira.
‘’ liu husi enkontru ne’e atu hodi rona direitamente rezultadu ne’ebé maka grupu targetu sira,tanba durante ne’e CEFOBOM Introdus ona atividade ba grupu targetu sira oinsa tau hamutuk osan hodi buka moris hakiak manu no hakiak ikan iha kolam liliu iha fatin ne’ebé potensia ba be’e inklui fatin potensia ne’ebe maka bele produs hare rai maran no hortikultura’’
Maneger General ne’e hatutan ho atividade hirak ne’e atu hodi garantia makína ekonomia familía no grupu nian atu hodi bele muda a’an atu hodi hadia vida agrikultura.
‘’ atividade ba grupu targetu sira mak hanesan hortikultura,pekuaria (hakiak manu lokál),produsaun alimentar,UBSP no kolam ikan iha Suku Holarua Aldeia Fahiluhan,Datina,Tirilolo,Faturae no Falitehu,Suku Letefoho aldeia kotalala,bairo malus hun,,merbuti,suku Grotu iha aldeia kolidasi,suku Rotutu iha Aldeia Foe-hei no suku Klakuk Aldeia Webikas ,kompostu husi postu administrativu fatin haat hanesan Postu Administrativu Turiskai Alas Fatuberlihu Same Inklui ema ho difisiensia sira
Fatin hanesan Séfi Aldeia Webikas/transmigrasaun sp1 Bitirai Luis Gonsalves nudar mós benefisisariu ba grupu targetu agradese ba CEFOBOM liu husi CATL tanba bele kria servisu ne’ebé diak hodi oferese ba komunidade sira ,aktividade ne’ebé kualidade hodi hadia komunidade nia moris iha vida agrikultor.
‘’hau agradese tanba CEFOBOM nia atividade ne’e realiza kuaze tinan 2018 to tinan ne’e tanba iha tempu situasaun Covid19 ami la iha osan hodi sustente moris maibé ho atividade CEFOBOM bele tulun ami iha situasaun difisil ne’ebé ami infrenta’’
tanba atividade ne’e fo rezultadu di’ak ba komunidade tanba fini oferese husi CEFOBOM tanba bele fo benifisio.
Entertanto Orsamento ne’ebé apoio ba grupu targetu hodi hala’o atividade durante ne’e total hamutuk 1,00.000
Jornalista : Densya
Editora : Marques
