Manufahi RKM News-sabádo Fim de semana ne’e (15/01),Centro Foinsa’e “Dom Boaventura” Maun-Fahe (CEFOBOM) servisu hamutuk ho Sentru Saude Internamentu Same no hetan finansia husi Caritas Australia iha Timor Leste (CATL) kontinua halo Sosializasaun Covid-19 no halo tratamentu koko tensaun ba komunidade vulneravel na’in 30 iha Aldeia Urufu Suko Holarua, Postu Administrativu Same Monicipiu Manufahi.
Tuir séfi Aldeia Uru-fu Suku Holarua Franscisco Tilman hateten relasiona ho atividade CEFOBOM no Caritas Australia nian ne’ebé liga liu ba ema vulneravel sira hodi fo apoiu pakote higene ba komunidade vulneravel ne’ebe maka identifikadu ona,
” tamba ne’e xefe aldeia ne’e husu ba komunidade sira seluk atu iha komprensaun tamba ne’e laos Atividade Governu nian maibe ida ne’e Aktividade NGO ka agensia sira nian ho nune’e NGO sira rekoilla bazeia ba dadus nebe maka iha”
Tanba ne’e Lider komunitaria ne’e apela ba nia Komunidade sira katak maske sasan ne’ebe maka CEFOBOM ho CATL apoiu ba sira la boot maibé ida ne’e sai hanesan ezemplu ida atu hodi kumpri nafatin regras sira husi ministériu saúde nian,
”Nudar Autóridade lokál senti orgulho ho Atividade sira nebe maka CEFOBOM hala’o ba Komunidade sira atu nune’e komunidade sira bele prevene an husi moras sira”
Nune’e aldeia Uru-fu nafatin nakloke hodi hein Atividade saida deit maka iha tanto Atividade Governu nian no Sosiedade sivil sira nian importante iha lina kordenasaun di’ak ho lideransa komunitaria sira.
Fatin hanesan Rogero J. Pereira hanesan Médiku sentru Saude Internamentu Postu Same husu Komunidade sira labele fiar Informasaun falsu sira hodi tauk ba vasina,
”ita hotu hatene katak Vasina lori liafuan seluk hanesan mós sangra ne’ebe maka baibain ita simu tamba ne’e parte saude nafatin atu fo informasaun ba komunidade sira katak labele tauk ho vasina astrazeneka tamba vasina astrazeneka ne’e mai prioridade liu ba ema sira ne’ebé maka ho moras no liu vasina ne’e hodi proteze moras sira nebe maka iha.(esm)
