Manufahi RKM News- tersa-feira (18/01) horsehik , Parlamentu nasionál apróva orsamentu jerál estadu (OGE) ba munisípiu tinan 2022, ho montante osan dollar Amérikanu $ 3,6 miloens apoiu ba programa 7 ne’ebé atu implementa iha tinan ida ne’e.
Administradór munisípiu Manufahi Arantes Isac Sarmento hato’o asuntu ne’e, ba jornalista sira iha nia servisu fatin hateten, maske orsamentu ne’ebé alóka ba munisípiu Manufahi la sufisiénte,
‘’ tanba munisípiu Manufahi aprezenta orsamentu apoiu ba programa 10 atu implementa tinan ida ne’e, maibé iha orsamentu audionál ba programa 3 atu respónde ba nesesídade balun presisa implementa iha tinan ida ne’e, la konsege pása iha komité revisaun orsamentu no apróva de’it orsamentu ba progama 7’’Governante ne’e hato’o iha nia knar fatin
Arantes isplíka, Orsamentu ba programa 7 ne’ebé hetan apróvasaun hanesan servísu Saúde ho montante osan dolllar Amérikanu rihún atus tolu sanúlu, edukasaun rihún atus neen sía-núlu resín neen, agrikultura rihún atus haat neen-núlu resin-tolu,
‘’ óbras públika rihún atus ida rua-núlu resín-tolu, servisu bee saniamentu rihún atus ida haat-núlu resín-ida, servisu asaun sosiál rihún atus ida resín-ida, no administrasaun munisípiu Manufahi ho orsamentu miloens ida rihún atus neen rua-núlu resín-uálu, osamentu ba administrasaun munisípiu bo’ot liu kompara dirasaun sira seluk tanba, inténsívu ba lideransa komunitária sira aumenta, kapitál dezenvolvimentu li-liu ba progama dezenvolvimentu integrádu munisípal (PDIM) ne’ebé reprópria fali ba tinan 2022, no PN nasional apróva atu sósa tán kareta funerál ida iha tinan ida ne’e’’
Administradór muisípiu ne’e reálsa, programa tolu ne’ebé la konsege pása iha komité revizaun orsamentu maka hanesan, jestaun merkadu no turísmu, servisu notáriadu akadastru no servisu dirasaun siguránsa alimentár, maibé munisípiu sei esfórsu atu bele implementa iha tinan oin.(Guterres&Eva)
