Manufahi RKM News- tersa-feira (01/02) ohin, Administradór munisípiu Manufahi realiza inkontru ho diretór emprezáriu lokál, negosiante no diretór munisípais sira, husu kontribuisaun atu halo hadia emerjénsia pónte abá-tú ne’ebé dadaun ne’e ameasádu.
Iha enkontru ne’e Administradór Munisipiu ,Manufahi Arantes Isaac Sarmento hateten, inkontru ne’e ho objetívu ida atu hodi husu kontribuisaun husi emprezáriu lokal Manufahi oan sira, tánba ne’e governu lokál foti inisiatíva realíza enkontru ne’e hodi husu kontribuisaun husi Manufahi oan sira, atu hadia fali pónte ne’e hodi fasilita movimentu komunidade nian.
‘’hanesan diretór munisipais inklui negosiantes sira, apoiu governu lokál hodi halo kontruksaun emerjénsia ba Ponte Abá-Tú ne’ebé lokalíza iha aldeia Rai-úbu suku Letefoho postu administratívu Same, nune’e bele fasilita movimentu transporte públiku iha kapitál munisípiu Manufahi’’informa Arantes Iha sala inkontru Administrasaun
Arantes hatutan ponte refere korenti mota sóbu iha prímeira seman fulan-fevereiru tinan 2022 tanba udan bo’ot, no parte governu lokál husu tulun ba kompaña TinoLina aranja plát pónte nian, tula provizóri hodi fasilita movimentu transporte públiku maibé dadaun ne’e komesa aat,
‘’situasaun ne’e governu lokál aprezenta ona dadus ba minístru obras púbiku no halo ona levantamentu, maibé atu rezólve ponte refere sei presisa tempu tanba sei liu husi prosésu ne’ebé naruk’’
Nune’e Diretór kompaña APLAY ANA unipesoál Lda Francísco Marchal, no diretór kompaña IGAJIED unipesoál Lda António Fernandes hateten, nu’udar Manufahi oan ami prontu kontribui material, hodi ajuda governu lokál, halo kontruksaun emerjénsia pónte Abá-Tú,
Fatin hanesan Diretór servisu óbras públika munisípiu Manufahi Pedro Barboza dos Santos hateten, material ne’ebé presisa atu halo kontrusaun emerjénsia ba ponte Abá-Tú, presisa ai-bantalan ho medida naruk métru 9 no máhar séntimu 30 x 30, sumente no fatuk-kerikil atu hadia uluk alisérsu pónte nian, hafoin háda ai-bantala husi ponte leten chór metin, nune’e bele fasilita fali movimentu transporte públiku iha sidade kapitál munisípiu.
Iha Rezultadu ennkontru ne’e administradór munisípiu forma kedas ekipa mobilizasaun material, hahú kuarta-feira (02/02) aban, komesa rekólla material kontruksaun no tuir planu Sesta-feira (04/02) semana ne’e, emprezáriu lokal hamutuk ho diretór munisípais no funsionáriu públiku sira, hahú ona halo kontrusaun ba ponte refere, nune’e iha segunda-feira(07/02) semana oin, bele utilíza ona pónte ne’e hodi normalíza fali movimentu transporte públiku iha sidade kapitál munisípiu Manufahi.
Entretantu iha prosésu kontruksaun ba pónte refere iha sesta-feira (07/02), no sábadu fín semana (08/02) semana ne’e, sei la autóríza transporte públíku halo movimentu liu husi pónte refere, tanba sei hala’o hela prosésu kontrusaun.(esm)
