Manufahi RKM News-sexta feira (04/02) ,Governu sentrál aloka orsamentu hamutuk dollar Amerikanu rihún Sanúlu ($ 10,000.00) hodi komemora loron nasionál veteranu iha loron 3 fulan-Marsu tinan ida ne’e iha luak-Manufahi.
Presidenti konsellu munisípal kombatenti libertasaun nasional (KMKLN) munisípiu Manufahi, Tobias Amaral Magno (Maksakur) hafoin remata inkontru ho administradór muisípiu kona ba asuntu ne’e,ba jornalista sira informa katak komisaun organizadóra ho strutura KMKLN realiza enkontru kordenasaun ho administradór munisípiu atu hodi realiza komemorasaun ne’e.
‘’Tanba komemorasaun ne’e sei mobiliza veteranu sira husi postu administrativu fatin 3 Alas,Turiscai no Fatuberliu sei konsentra hamutuk iha Same,hodi komemora loron importante ne’e, tán ne’e governu sentrál aloka orsamentu ba komemorasaun ne’e’’
Atividade ne’ebé sei realíza iha komemorasaun loron veteranu nian Manufahi, sei realíza espózisaun,jogu tradionál inklui serimónia icár bandeira RDTL iha Luak-Manufah.
Fatin hanesan Administradór muisípiu Manufahi Arantes isaac Sarmento hateten parte adinistrasaun sei apoiu máximu ba komemorasaun loron nasionál veteranu nian, li-liu ba preparasaun no atividade sira ne’ebé sei realíza tanba loron veteranu konsidera mós hanesan loron nasionáis,
‘’ tán ne’e iha serimónia icár bandeira iha luak-Manufahi sei realíza tuir regras protokólu estadu nian’’
Entratantu molok realíza serimónia icár bandeira antes semana rua sei realíza expozisaun no jógu tradionál iha Luak-Manufahi hodi anima komunidade sira. (Guteres&Eva)
