Manufahi RM News-segunda feira(07-02), Diretór servisu óbras públika munisípiu Manufahi Pedro Barboza dos Santos hateten,prosésu rehabilitasaun ponte Aba-tú realiza ona 75%no hela 25% hodi finaliza iha ne’ebé ,ponte refere hadia provessore hodi fasilita movimentu komunidade nian iha sidade kapital Manufahi no hetan kontribuisaun husi emprezário lokál sira iha manufahi no servisu voluntariamente
Diretór servisu óbras públiku ne’e hatutan ponte refere hadia kuaze porsentu 75 ona tanba servisu voluntario .
‘’tanba ne’e ita hein tan apoio husi Negosiante no emprezária sira karik apoio tan material hanesan Besi simenti no rai henek ita sei hadia hotu tia nune’e bele fasilita movimentasaun tranporte públiku sira ,maibé ba dadaun ne’e provisóri sei uza lai dalan ne’ebe liu husi mota maske fatin ne’e risku maibe halai neneik’’
Tuir nia katak ponte refere hadia hahu husi loron 02/02 to loron 05/02 no ohin loron 07/02 la halo servisu tanba sei okupadu hela ho servisu sira tanba ne’e fungsionario balun ne’ebé livre sei organiza malu hodi ba hadia ponte refere nune’e iha tempu badak bele finaliza ona hodi fasilita sirkulasaun sira iha manufahi.
‘’ponte refere ita hadia provesóri hodi hein rezultadu iha nasiónal bainhira aprova bele hadia diak liu tan hodi ita bele uza ba tempu naruk’’
Nia hatutan ponte ne’e rasik hadia hodi fasilita deit kareta ki’ik sira no kareta ne’ebé tula sasan todan la bele liu husi ponte refere tanba ponte ne’e hadia ho liman laos uza Mákina.
Entertanto ponte ne’e rasik ho nia distansia naruk metru 8 no Luan 6 meter 60 no material ne’ebé uza mak hanesan rai henek ,sumenti ,Britas ,besi no material sira seluk .(esm)
