Sunday, February 25, 2024
spot_imgspot_img
HomeFoto GaleriaKJM Lamenta Ho Grupu Balun Loke BG Iha Fatin Publiku

KJM Lamenta Ho Grupu Balun Loke BG Iha Fatin Publiku

Manufahi RKM News——-kuarta-feira ohin (16/02/2021), Konséllu Joventude Manufahi halo Konferénsia imprénsa iha fatin expozisaun Luak-Manufahi, lamentadu ho grupu bola-Guling seluk, loke aktividade jógu bola-Guling (BG) iha fatin públiku merkadu antígu Same, hatudu imájem la di’ak ba públiku.

Portavós Konséllu Joventude Manufahi, Alónso Machado hateten, relasiona ho Komemorasaun loron Veteranu loron 3 fulan-Mársu tinan ida ne’e, Konséllu Munisípal Kombatenti Libertasaun Nasionál (KMKLN) munisípiu Manufahi ho Autóridade  lansamentu atívidade feira (expozisaun) iha Luak-Manufahi.

Ami joventude lamenta tebes, tanba atívidade feira no jógu tradisionáis ne’ebé halo ona lansamentu tuir loloos konsentrádu iha Luak-Manufahi, maibé ema individuál balun  lóke fali atívidade jógu bola-guling iha merkadu antígu Same,

fatin ne’e la merese atu lóke atívidade bola-guling, tanba iha fatin públiku besik liu igreíza, iskóla no edifísiu publiku sira, hatudu imajém la di’ak ba públiku.

Nia hateten ami Konsellu Joventude Manufahi husu ba Prezidente Komisaun Organizadóra lidera husi Prezidente KMKLN, no autoridade Munisípiu, halo ona abertura ba Atívidade refere iha Luak, Maibé tán sá autoridade sira autóriza fali grupu ou ema individúal balun, ba halo fali jógu iha fatin seluk, sé autoridade sira autoríza halo atividade iha fatin seluk, ami joventude husu autóridade sira inséra tiha feira iha Luak-Manufahi.

Ami Joventude  husu Ministériu Turismo Komérsiu Indústria (MTCI), atu toma atensaun ba atívidade jógu bola-guling ne’ebé  lóke iha fatin públiku merkadu antígu Same.

Hatan ba asúntu ne’e, Presidenti Konséllu Munisípal Kombatenti Libertasaun Nasionál (KMKLN) Munisípiu Manufahi, Tobias Amaral Magno Maksakur hateten, atívidade feira iha Luak-Manufahi hodi komemora loron veteranu nasionál, hodi fo opurtunidade ba komunidade sira fa’an sira nia produtu lokál, no lóke mós atividade jógu tradisionáis futu-manu ,bola-guling iha Luak-Manufahi, maibé atividade bola-guling ne’e tuir regras ne’ebé estabele ona,

fó de’it oprtunidade ba Manufahi oan sira maka lóke, jogadór bola-guling ne’ebé mai husi munisípiu seluk, la iha direitu atu lóke maibé sira bele jóga de’it, maibé iha grupu balun la kompri entau komisaun la autóriza atu lóke iha luak tanba la kumpri regras.

Kona ba grupu balun lóke fali bola-guling iha merkadu antígu Same, ne’e komisaun la hatene, no parte veteranu mós la konkorda atu lóke iha fatin púbiku tanba hatudu imajém la di’ak iha públiku. Presidenti Konséllu Munisípal Kombatenti Libertasaun Nasionál (KMKLN) Munisípiu Manufahi, Tobias Amaral Magno Maksaku iha nia serbisu fatin.

oto-Simiao-Pereira-Cunha
oto-Simiao-Pereira-Cunha

Nune’e mos Diretór Kompaña FRASIRNA UNIPESOÁL LDA Simião Pereira Cunha hateten, ha’u nia kompaña hetan lisénsa husi MTCI hodi lóke atividade jógu bola-guling iha merkadu antígu Same, hodi komemora loron veteranu loron 3 fulan-Mársu,

Tanba ha’u selu tása kalan ida selu osan dollar Amerikanu $ 50 ba estadu no haú nia kompaña iha karta lisénsa husi MTCI no mós resívu selu tása nian.

Ha’u nia kompaña lóke BG iha Luak-Manufahi, tanba komisaun la autoriza entau ha’u kordena ho administradór munisípiu, Presidenti Konsellu Veteranu no Komandante Polísia, autoriza loké iha merkadu antígu Same, maibé lóke de’it iha tempu lokraik no kalan, loron la halo atividade jógu.

oto-administrado-Manufah

Hatan ba deklarasaun ne’e, admnistradór munisípiu Manufahi Arantes Isaac Sarmento deklara katak, administrasaun munisípiu la iha kompeténsia fó autorizasaun ba atividade jógu bola-guling (BG) iha luak-Manufahi inklui iha merkadu antígu Same, ne’e kompetensia MTCI fó autorizasaun baseia ba lisensa,administrasaun munisípiu nia kompetensia maka autoríza loké de’it feira iha luak-Manufahi kada loron nasionáis

Tuir administradór munisípiu ne’e katak, komemorasaun loron veteranu iha Luak loloos ne’e realiza de’it programa isár badeira iha loron 3 fulan-Mársu,

tanba inisiatíva husi konsellu veteranu hodi lóke mós feira no jógu manu-fútun no bola-guling, atu fó opurtunidade ba Manufahi oan sira, selebra loron veteranu nian.

Entetantu autoridade másimu Munisípiu Manufahi  husu ba parte rua atu kordena malu hodi resólve atividade jógu bola-guling para labele mósu dezentendementu hodi asegura paz no estabilidade tanba iha merkadu antígu Same iha tinan hirak liu ba kotuk asésti jógu kopa mundíal no selebrasaun loron nasionál joventude  realíza mós atividade feira ho jógu bola-guling.

jornalista : vasco

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

Uma Kain 24 Iha Sukaer Oan La Dauk Hetan Be’e Mos No linha Elektrisidade

Manufahi RKM News====uma kain 24 No populasaun 99 Iha Aldeia Sukaer Oan Suku Kaikasa Postu Administrativo Fatuberliu Munisipiu Manufahi La dauk assesu Ba Be’e...
0
Would love your thoughts, please comment.x
()
x