Manufahi RKM News-sabádo Fim de semana (19/02), Movimentu Hakribi Violensia realiza Konferensia da Imprensa iha suku Babulu Postu Administrativu Same Munisípiu Manufahi Bazeia bá Dekreto Presidente da Repúblika nú 2/2022.
Tuir Portavóz Movimentu Hakribi Violensia Natalina da Costa Hateten Bazeia Bá Dekreto Presidente da Repúblika nú 2/2022 ,15 de Janeiru kona ba marka data Eleisaun Prezidensiál Periódu 2022-2027,Lei nú 7/2006 kona bá Assunto ne’e maka Movimentu Hakribi Violensia Munisípiu Manufahi deklara no reafirma pozisaun polítika hodi fo Apoiu ba kandidatu Dra.Armanda Berta do Santos ba Presidente da Repúblika periodu 2022-2027.
Tanba ne’e movimentu Hakribi Violensia Munisípiu Manufahi prontu servisu hamutuk ho estrutura no ekipa susesu hodi garantia vitória iha Munisípiu Manufahi ba kandidatura Presidente da Repúblika Dra Armanda Berta do Santos ba palásiu prezidenti Aitarak laran Dili ba periodu 2022-2027,ho nia argumentu hanesan tuir mai ne’e:
Kandidatura Armanda Berta do Santos pessoal ne’ebé honestu ,transaparansia no akuntavel no kandidatura ne’e mós ema ne’ebé hala’o servisu ho efisiensia no efikasia ho hakraik-an Pasiensia iha situasaun saida de’it, no hanesan mós feto potensial ne’ebé iha Abilidade no Responsabilidade , koinese di’ak natureza no kultura Timor nian no nia mós barani foti desizaun iha risku laran maibé ho Hakmatek .
Portavoz ne’e hatutan Kandidatura Berta Hanesan Inan ida ne’ebé hadomi no hakuak povu no hakuak ema hotu iha rai ulun to rai ikun ,tasi feto to’o tasi mane hodi kontribui ba unidade Nasionál no halibur ema la hare ba kór ,rasa religiaun no la halo diskriminisaun ba entidades hotu .(esm)
