Manufahi RKM News-kinta feira (24/02) ne’e ,Comisaun Nasionál Elisoens ho autoridade Munisípiu, inklui lia nain postu Administrativu Fatin Hat hanesan Turiskai ,Alas,Same no Fatberlihu realiza serimonia ritual tuir cultural Munisipiu Manufahi nian, oinsa atu promove paz no estabilidade iha elisaun prezidensiál ba périodu tinan 2022 iha Munisipiu Manufahi.
Tuir Prezidente Comissáriu CNE Destakadu Munisípiu Manufahi Alsino Barris de Araoju hateten seremonia ritual kultural ne’e nanis kedas iha manufahi realiza kedas iha tinan 2012 bainhira tama ba iha eleisaun parlamentar.
‘’tanba ne’e antes atu tama ba kampaña prezidensial presiza serimonia ritual atu hodi simu matak malirin husi lia nain sira tuir kultura manufahi nian nune’e iha kampaña ho elisaun prezidensial bele lao ho di’ak’’haktuir komissariu iha Luak Dom Boaventura suku Daisua Postu Administrativo Same Munisipiu Manufahi
Nune’e mos komandante komando polísia munisipiu Manufahi superentedente Polisia Jonia Viana das Regras afirma kultura ne’e importante atu ajuda ita nia situasaun ne’e ba diak,ho ida PNTL pronto apoio siguransa ba iha kampaña no eleisaun .
‘’ho ida nee husu ba Manufahi oan atu tane malu hadomi malu hodi servi no hodi tane ita nia Munisípiu ho naran morin ba mundu tomak’’
Fatin hanesan Prezidente Autoridade Munisipiu Arantes issak Saramento agradese ba CNE tanba bele tane no valoriza cultura ita nia kultura iha ita nia rain
‘’hau hanoin seremonia cultural ne’e importante tebes atu hodi hametin unidade liliu iha atividade kampaña atu hateten deit katak ba dala uluk iha istoria timor kandidatu ema nain 16 tanba kandidatu sira ne’e ema potensia rai ida ne’e nian tanba ne’e kandidatu presidenti nain 16 ne’e nian signifika timor nian hotu’’
Tanba ne’e Governante ne’e apela ba ekipa susessu sira liliu sira ne’ebé kandidatu liu husi seremonia kultural ne’ebé realiza iha aidak hun luak ninian ka lulik ne’e bele hametin unidade entre kandidatu no ekipa susessu sira
Entertantu iha serimonia cultural ne’e partisipa husi administrador postu administrativo fatin hat, autoridade lokal diretur liña ministerais, sosiadade sivil, PNTL, inklui partidu polítiku sira liu-liu reprezentante kandidatura nain 16, maibe reprezentante nain hat mak partisipa serimonia ritual hanesan CNRT, KHUTO, PD no Independen.(esm)
