Tuesday, April 16, 2024
spot_imgspot_img
HomeFoto GaleriaFilómeno Tilman kódigo Mau-hato hakotu I’is tanba Moras Strock

Filómeno Tilman kódigo Mau-hato hakotu I’is tanba Moras Strock

Manufahi RKM News—-segunda feira (28/02/) Saudozu Filómino Tilman Kodigo Mau-hato hakotu I’is iha Suku Babulo Aldeia lia nai’in Postu Administrativo same Munisípiu Manufahi tanba moras strock

Saudozu Filómino Tilman moris iha suku Daisua iha loron 03 fulan Agostus tinan 1953 saudozu sai hanesan oan mane bad á ruak husi Aman sIlveiro Regras inan Isabel de Jesus.

‘’Mau-hato simu sakramento matrimonio ho nia espoza Maria Imakulada Ximenes de Jesus ‘’Ussu –Siri’’ iha kapela Atauro villa iha tinan 1984 hosi ida ne’e  sira nai’in rua hetan oan nain 5 kompostu  oan mane 2 no feto 3’’

ho ida ne’e iha tinan 1974 to’o 1975 saudozu hahu aprende polítika Fretelin nian husi saudozu Antonio Cepeda ho kódigo  Mau –Lelo iha nularan Same nune’e  iha tinan  1976 to’o 1978 tempu evakua iha ailaran saudozu asumi nia kargu hanesan forsa sector (arma branca) hodi halao seguransa no hetan formasaun ba milisia Fretelin.

‘’iha tinan 1978 saudozu Mau-Hato hetan kabtura iha Alas  hamutuk ho saudozu Antonio Cepeda  no mai halo detensaun iha same’’

Iha tinan 1979 to’o 1980 saudozu Filómino Tilman hamutuk  ho nia maun saudozu Luis Tilman Berek halao kontaktu ho forsa Falintil iha Daisua .

‘’iha tinan 1981 to 1982 saudozu hetan kargu hanesan Komandante Peletão ba levantamento 1982,maibé  ikus mai saudozu ho nia maluk seluk Kabtura  iha loron 11 fulan outobro 1982 no detein iha KODIM 1634 Same’’

Ho ida ne’e iha loron 09 fulan Novembro 1982 militar Indonesia tula sai Saudozu  hamutuk ho nia maluk seluk husi same ba Dili hodi halo detensaun.

‘’iha loron 29 fulan Novembru tinan 1982 Saudozu hamutuk ho maluk seluk desterradu ba ilha Atauro iha loron 14 fulan oktober tinan 1985 no fila husi Atauro mai same no kontinua ho detensaun preventive iha KODIM 1634 Same to’o tinan 1989’’

Hafoin fila husi Atauro iha loron 1987 saudozu hamutuk ho nia maun saudozu Luis hahu hetan fali ligasaun ho FALINTIL(Riak Leman cs)iha abrigu Daisua,nuen’e hahu iha 1987 to’o 1999 Saudozu Filómino  hetan Postu  kargu hanesan membro seksaun ligasaun no informasaun no hanesan mos estafeta.

‘’ho ida ne’e Saudozu Filómino hamutuk  ho nia maun Luis Tilman Berek no sira seluk tan presta no dedika sira nia a’an tomak iha prosessu Libertasaun Pátria no Saudozu kondekoradu ho ordem Nikolau Lobatu iha tinan 2006’’

Iha tinan 2006 Filómino Tilman hetan moras no rekopera hikas nia kondisaun ,iha fulan Maio tinan 20021 saudozu sofre moras Strock tanba ne’e familia halao terapia no tratamentu tradisional deit iha uma.

 

Reprezentante prezidente Conselho Municipal dos Combatentes da Libertação Nacional (CMCLN atual sekretariadu, Antoninho Doutel Sarmento hateten, iha luta ninia laran iha gerileiru barak inklui joven no ki’ikoan sira iha inan nia knotak mate iha momentu revolusaun.

“Sira nia mate tanba konkista hakarak atu liberta ita nia rain no liberta ita nia povu no sira nia mehi lori realidade ba ita ne’ebé ohin loron ita hamri’ik nu’udar nasaun ida Repúblika Demokratíka Timor Leste (RDTL) ho bandeira ida diferente iha ninia rasik livre atu bele goja iha fatin hot-hotu”dehan Antoninho iha semiteriu Fatumera Same, Segunda (28/02).

Nia hatutan, Timor ninia luta konkista ho ema simplis, kabala lipa, mama malus mean maibé ba sira atu koalia kona-ba Timor ninia independensia iha momentu ne’eba labele debate.

“Semak sira ne’e, ne’a mak ida ohin ita lori mai fatin deskansa ikus nian saudozu Filomeno Tilman ho kodigu Mau-Hato” ne’ebé mane simplis no familía simplis maibé hatudu buat ne’ebé esktraordinariu liu iha nia moris mak korajen ho determinasaun independensia”nia dehan.

Tanba ne’e ba faluk no oan kiak inklui ema hotu atu labele haluhan sira nia istoria no tenki disciplina aguarda hodi kaer nune’e hatene sira nia mehi ba libertasaun no ita ne’ebé sei moris tenki konkista ho sira nia mehi.

“Maske sira bele mate maibé sira nia espiritu labele mate husi ita ne’ebé sei moris ninia fuan hodi kontinua ba kontribuisaun dezenvolvimentu rai ida ne’e”nia sujere.

 

Tempu hanesan Xefe suku Daisua, postu administrativu Same villa, munisìpiu Manufahi, Amorin da Costa husu joven sira atu banati tuir saudozu no heroi sira nia luta ba libertasaun rai ida ne’e.

“Maske saudozu no heroi sira nia isin bele mate maibé sira nia espiritu libertasaun labele mate iha joventude sira nia fuan hodi kontinua kontribui ba prorsesu dezenvolvimentu rai ida ne’e”dehan, Amorin.

Nia dehan, suku Daisua lakon ninia ema di’ak ida la’òs de’it ida ne’e maibé ita nia veteranus naben dadaun hanesan lilin mohu oitoan hosi ita le’e neduni tenki kontinua sira nia istoria.

“Maske sira mate maibé espiritu la mate hodi kuda iha joven nia fuan ho laran tanba libertasaun patria sira liberta ona no sei hela liberta povu husi kiak no mukit iha suku Daisua, Same no lierta Manufahi”nia dehan.

Tuir observasaun jornalista Radio Komunidade 1912 Same nota katak, saudozu Filomeno Tilman kodigu Mau-Hato ninia isin mate hafoin tula hosi caro funerariu to’o iha semiteriu Fatumera Same no kontinua kedas foti hosi polisia komandu polisia distritu Manufahi hodi hakat ba saudozu nia fatin deskansa ikus.

Enkuantu hafoin hakoi parte veteranus entrega hikas bandeira Fretilin ba familia faluk oan ki’ak hodi konserva nune’e bele memorializa saudozu nia istoria ba libertasaun to’o ohin loron Timor uun rasik a’an

 

Entertanto saudozu Filómino Tilman ho kódigu Mau-hato remata nia peregrinasaun iha mundu iha loron 26 fulan fevereiro  tinan 2022 iha oras tuku hat minutu tolu nulu resin lima 04;35 oras timor leste.(esm)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

0
Would love your thoughts, please comment.x
()
x