Manufahi RKM News-Segunda feira ne’e, Arte marciais no Arte ritual Munisípiu Manufahi realiza komferensia ba dá huluk hodi asegura seguransa iha kampaña presidensiál no parlamentar garante katak la iha konflitu ruma iha kampaña tinan Ida ne’e.
Portavoz husi Arte marsiais persaudaraan setia hati Terate ,PSHT Municipio Manufahi Romeu Duarte da Costa hateten,tuir rezolusaun Governo no 4/2016 3 de marsu katak reativa hikas Arte marciais no Arte rituais ho halo hikas Sira Nia atividade maibé nafatin kompramenta ba Lei no 5/2017 Arma branka ne’ebe sei nafatin vigor.
‘’ ho Ida ne’e haree ba atividade Festa demokrasia no konsolidasaun kampaña Presidensial no Parlamentar Tamba ne’e Arte marciais no Arte ritual kompromete sei halo koperasaun ho PNTL Municipio hodi seguransa ba kampaña presidensial no parlamentar ba tinan 2022’’
Arte marsiais No Arte ritual kompromete paz no estabilisade durante kampaña no la autoriza militante uza atributo Arte marciais no Arte ritual iha tempo kampaña .
‘’Ami Sei la autoriza ba membero Sira hodi halo deklarasaun polítika para reprezenta Arte marsiais no Arte ritual hodi apoio qualquer kandidatura no partido politik ‘’
Ba individu Balu ne’ebe la obedese ba deklarasaun iha leten konsidera asaun individual no sei la responsabiliza husu estrutura Arte marciais no Arte ritual municipio manufahi.
Entretanto Arte marciais no Arte ritual Municipio Manufahi hamutuk 9 hanesan PSHT, korka, IKS, raja wali percaya diri ,Santo Antonio, Sagrada corasaun de Jesus no setia hati iha komferensia ne’e realiza iha salaun enkontro Komando Policia Municipio Manufahi.(INHA)
