MANUFAHIRKM News —sexta Feira (04/03),Tuir observador internasionál husi União Europea (UE) observa katak, kampaña eleitoral dahuluk ne’ebé halo iha munisípiu Manufahi husi partidu Kmanek Haburas Unidade Nasionál (KHUNTO) lao diak tebes.
Tuir misaun observador eleitoral União Europea (UE) iha munisípiu Manufahi, Carlos Guerreiro informa,
“Tuir ami nia observasaun kampaña ida de’it iha Manufahi husi partidu KHUNTO no ami hare katak prosesu tomak la’o ho paz no respeitu malu”dehan, Carlos ba jornalista iha Same,
Carlos espera katak, situasaun ne’ebé observa iha kampaña dahuluk la’o lao ho paz no respeitu malu sei to’o kampaña eleitoral remata.
“ha’u fiar katak Timoroan hotu hakarak buat hotu la’o diak nune’e hodi hare ba futuru tuir mai no lakoi problema tan”dehan observador UE Carlos.
Nune’e nia dehan, precensa ba observador ne’e bazeia ba konvite ne’ebé Ministério Negosiu Estranjeiru no Kooperasaun (MNEK) Timor Leste halo ba estadu UE husu atu halo observasaun ba misaun eleisaun.
“Tanba ne’e UE haruka analizador ba eleitoral na’in ualu (8) no observador na’in rua nolu resin ne’e (26) ne’ebé fahe ba ema na’in rua hodi halo observasaun ba kampaña eleitoral iha munisípiu hotu-hotu iha Timor laran tomak”esplika.
Nune’e nia ekipa misaun obserasaun ne’ebé observador halo durante iha kampaña eleitoral, konsolidasaun no prosesu eleisaun to’o kontajen votus nune’e ekipa observador haruka relatoriu ba analista eleitoral hodi hakerek relatoriu final kona-ba misaun UE hare saida mak akontese iha eleisaun no sei hakerek sujestaun ruma oinsá atu hadia prosesu eleitoral.(esm)
