Manufahi RKM news—Kinta loron (10/03),Ministério Solidaridade Sosial Inkluzaun munisípiu Manufahi hamutuk ho rede referral sira informasaun ba inan aman sira kona ba Atendementu ba vítima iha Manufahi
Tuir diretóra Ministério Solidaridade Sosial no inkluzaun Munisípiu Manufahi Eulalia Maria Seixas iha intervista hateten,objetivo husi atividade ne’e atu habelar informasaun kona ba atendementu ba labarik feto sira ne’ebé sai Vítima iha Manufahi.
“atu nune’e komunidade sira bele iha koinesementu oinsa hasoru problema atu hodi relata iha prosesu legal sira ne’ebé la’o nunne’e vítima feto no labarik sira bele hetan apoio asistensia husi parte hotu ne’ebé mak iha responsabilidade liliu asitensia husi MSSSI”
Sentru solidaridade social inkluzaun hamutuk ho menbru redi sira kada trimestral halo enkontru hodi update informasaun konaba feto no labarik sira ne’ebe sai vitima iha Suco no Aldeia
‘’ami nia rede referral sira ne’ebé mak durante ne’e servisu hamutuk hodi atende Vítima mak hanesan Uma Mahon,VPU,Saúde ,Alfela,Edukasaun no Ministerio Justiça
Nune’e mós Cordenadora Uma Pas Manufahi Paulina da Costa Fernandes haktuir katak ,Uma Mahon estabelese iha Manufahi hahu iha tinan 2018 atu hodi asegura vítima ne’ebe mak hasoru problema hanesan violensia dómestika,violensia sexual,violensia bazeia ba géneru .
“Tamba ne’e mak Autoriedade Manufahi servisu hamutuk ho Fundasaun Luta Ba Futuru ,MSSSI Manufahi no rede referral sira seluk hodi Estabelese Uma Mahon Iha Manufahi atu hodi asegura Vítima sira”
Fatin hanesan Sefí Babulu Alice de Jesus hateten durante ne’e komunidade maioria sei menus hela kona ba informasaun hirak ne’e tamba ne’e mak ho informasaun hirak ne’e atu hodi apoio komunidade sira hodi bele intende didiak nune’e karik balun sai vítima bele kompriende oinsa hato’o keixa
Enterantu tuir planu MSSSI sei kontinua habelar informasaun ne’e ba komunidade sira husi suku no aldeia ne’ebe seidauk hetan informasaun ne’e.(esm)
