Manufahi RKM News—Kinta loron (10/03),Durante ne’e Uma Mahon Registu kazu hamutuk 32 kompostu husi kazu violensia doméstika ,violensia sexual no kazu abandona iha Manufahi
Tuir Paulina da Costa Fernandes nu’udár Cordenadora Uma Pas Manufahi haktuir ba Jornalista katak Uma Mahon estabelese iha Manufahi hahu iha tinan 2018-2022 Uma mahon regista kazu 32 .
“husi 32 ne’e ba oras ne’e dadaun balun prossesu ona iha Ministério Públik no balu akuzasaun husi Ministério Publik ba ona Tribunal husi kazu hirak ne’e balun dada fila fali ”asuntu ne’e haktuir husi Cordenadora Uma Pas Manufahi Paulina da Costa Fernandes bainhira MSSI realiza inkontru ho kumunidade no Autóridade sira iha sede Suku Babulu postu Administrativo Same hodi fahe informasaun relasiona ho kazu violensia sira
Cordenadora ne’e hatutan prosesu hirak ne’e hotu uma mahon liu husi dalan legal ho kazu hirak ne’e mak arguido na’in rua mak kumpri ona pena Prizaun kona ba violensia Sexual ba labarik minoriedade no kazu insestu ne’ebé akontese iha familia.
“simmm, kazu ida ne’ebé númeru as liu mak hanesan kazu violensia Doméstika (12) no violensia sexual hasoru labarik minoridade (14),kazu abandona (4) ho kazu hirak ne’e ba oras ne’e prosesu la’o hela”(esm)
