Manufahi RKM News-Administardór Munisípiu Manufahi Segunda-Feira (14/03) vizíta séntru halíbur oan-ki’ak “MOTHER TERESA HOME CARE” Sarmata suku Letefoho postu administrativu Same, ne’ebé harí husi feto foinsa’e Filomena da Costa ” Mimí ” husi osan ne’ebé nia kréditu husi BNCTL.
Administardór Arantes Isaac Sarmento, ba jornalísta sira hateten, objetívu vizíta ne’e atu háre ho mátan kondisaun iha séntru halíbur oan-ki’ak ” MOTHER TERESA HOME CARE iha bairo Sarmata, nomós lori hela fundúz ki’ik oan balun hodi atende dadaun nesesídade labarik sira iha séntru ne’e.
Nia hateten, hanesan servidór povu iha Manufahi agradese ba inisiativa feto foinsa’e Filomena da Costa, ne’ebe hatudu fuan bo’ot ba oan-kiak sira, governu iha responsabilidade bo’ot hafórsa inisiatíva ne’e, tanba iha séntru ne’e halibur Labarik oan ki’ak sira, no lori labarik sira besik liu ba Maromak, governu lokál sei buka dalan atu tulun séntru ne’e, liu-liu fasilidade ba labarik sira iha fatin ida ne’e, “dehan Arantes”.
Jestóra séntru “MOTHER TERESA HOME CARE” Saramata Munispiu Manufahi, Filomena da Costa (Mimí), sente ondrádu no agradese ba vizíta administardór Manufahi nian, labarik oan-ki’ak sira iha esperánsa, ho Nai Maromak santísima trindade nia tulun, iha vizita ida ne’e bele hafórsa séntru ida ne’e, hodi fasilíta di’ak liu tán oan-kiak sira nia nia futuru.
Entertantu tuir obeservasaun séntru ida ne’e, sei falta fasilidade ba labarik oan-ki’ak sira hanesa, káma toba-fátin ba labarik feto no mane, méza-kadeira, armáriu, harís fatin, inklui fatin halímar no fatin ba atividade ésktra kurikuler nian.
Jornalista:. Esm
Editór. :. Guterres
