Sunday, February 25, 2024
spot_imgspot_img
HomeFoto GaleriaFoinsa'e Filomena Kreditu Osan iha Banku, Harí Uma Halíbur Oan Kiak Sira

Foinsa’e Filomena Kreditu Osan iha Banku, Harí Uma Halíbur Oan Kiak Sira

KaManufahi RKM News- Filomena da Costa tinan 30 resin, nu’udar feto foinsa’e ida iha Beiro Sarmata suku Letefoho postu administrativu Same, kréditu osan iha BNCTL harí uma ho sála 4, hodi halíbur labarik oan ki’ak sira iha Munisípiu Manufahi.
Filomena da Costa naran istimádu ” Mimí ” haktuir ba jornalista sira Segunda-Feira (14/03) ohin, wainhira administardór Munisípiu Manufahi ba vizita fatin ho naran “MOTHER TERESA HOME CARE” Sarmata ne’e, hateten, uma ho sala 4 ne’e harí iha tinan 2020 liu ba, husi osan ne’ebé ha’u kréditu iha banku BNCTL, maske “Mimí” la klarifika totál osan ne’ebé nia kréditu, maibé nia haktuir katak, ha’u kréditu osan ne’e hodi sosa material hanesan kalen, bebak, súmenti no material sira seluk, no hetan ajuda husi joven sira husi Bairo Sarmata nian no mós familia sira, hodi apoiu lálin fatuk,ajuda ne’e no hari uma meiu-parédi ho sala 4 ne’e, halibur labarik ki’ik oan sira husi fatin dook,liliu labarik sira ne’ebé família la iha kbi’it no inan-aman la iha, nune’e sira bele asésu ba edukasaun.
Foinsa’e eskutéru 007 Same ne’e haktuir katak, inisiatíva hari fatin ne’e, ha’u ho ha’u-nia koléga Ana Paula ami rua husi eskutéru, agora dadaun nia kontinua nia estúdu iha nasaun Fíji, wainhira Ana Paula ba tiha iskóla iha rai liur, ha’u hamutuk ho alin joven sira iha bairo Sarmata laran hodi kontinua no finaliza óbra ne’e.
Molok harí fatin ne’e, ami hala’o asaun solidariadade ba familia kbi’it la’ek sira iha fatin-fatin, ne’ebé lokaliza iha Munisípiu Manufahi, to’o ikus ami deside harí fatin ida ne’e, tanba dala wa’in ami ba vizíta fatin sira ne’e dook, nondefíkulta ami nia atívidade, entau ami harí fatin ne’e hodi halíbur labarik sira husi foho ne’ebé dook husi iskóla, nomós labarik sira ne’ebé ekonómia inan-aman la sufiente, inklui labarik ne’ebé lakon ona inan-aman nune’e sira bele asésu ba eskola.
Provizóri labarik ki’ik oan sira ne’ebé dadaun ne’e ami halibur iha fatin ne’e, labarik hamutuk na’in 5 feto 4 no mane 1, maiória husi suku Holarua postu administrativu Same, “Mimí akresenta”.
Labarik sira ne’ebé halibur iha fatin ne’ebé ho naran ”MOTHER TERESA HOME CARE” Saramata ne’e, sira hala’o atividade regulár loron-loron sira ba iskóla, atividade relijióza regulár réza iha tempu dadersan, meudia no kalan, estúda inklui atividade ésktra sira seluk.

Jornalista: Esm
Editór. : Guterres

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

Uma Kain 24 Iha Sukaer Oan La Dauk Hetan Be’e Mos No linha Elektrisidade

Manufahi RKM News====uma kain 24 No populasaun 99 Iha Aldeia Sukaer Oan Suku Kaikasa Postu Administrativo Fatuberliu Munisipiu Manufahi La dauk assesu Ba Be’e...
0
Would love your thoughts, please comment.x
()
x