Mnaufahi RKM News-kuarta fera 23/03) ohin,Fundasaun Luta Ba Future Realiza seminar kona ba impaktu mudansa klimatika rekursu humanu no hodi komemora loron mundial bee iha Munisipiu Manufahi
Diretora esekutivu Fundasaun Luta Ba Futuru Maria Dolorosa Boki Fernandes hateten durante ne’e ita hare bee sira ne’ebe ita hare ho matan maibe ita haluhan tia bee sira mosu husi rai okos,
atu asegura rekursu bee hotu atu entegra serbisu mudansa klimatika ba bee saneamentu no ijeniku iha Munisipiu Manufahi hodi haforsa kordenasaun serbisu ho lina sektorais iha Munisipiu Manufahi
Nia hateten ita nia espetativa kona ba seminar ida ne’e bele iha koinesementu kona ba oinsa halo konservasaun ba bee matan hodi asegura bee iha area rural
pelo menus lider komunitaria sira iha planu ona kada suku tenke halo konservasaun ba bee matan sira,
hodi melora diak liu tan intervensaun husi governu no agensia dezenvolvimentu kona ba polika ne’ebe liga liu ba bee saneamentu, dehan Diretora esekutivu Fundasaun Luta Ba Future Maria Dolorosa Boki Fernandes
Country director WaterAid Timor Leste Justino da Silva hateten bee hanesan diretus humanus governu iha papel importante hodi hakonu sidadaun sira bele asesu
presisa kooperasaun ho instituisaun estadu sira no mos organizasaun sosidade sivil,setor privadu no mos partisipasaun masimu husi komunidade hodi atinsi mehi ba bee saneamentu no ijine,
tamba ita hare ba planu governu nian to’o iha tinan 2030 povu timor leste asesu ba bee saneamentu no ijine maibe ne asesu basiku sedauk tama ba iha seguru,dehan country director WaterAid Timor Leste Justino da Silva.
Administrador Munisipiu Manufahi Arantes Isaac Sarmento hateten agredese ba parseiru sira tulun ona governu hodi implementa programa dezenvolvimentu kona ba bee saniamentu no ijeniku,
hodi responde komunidade sira nia preukupasaun kona ba bee mos iha Manufahi,
tanba problema ne’ebe mosu ema hotu sedauk iha konsiensia kuidadu fasilidade bee mos ne’ebe estadu halo ona,
liuhosi seminariu ne’e bele hasa’e ema hotu nia konsiensia hodi kuidadu no preserva bee matan sira, hodi garantia sustentabilidade rekursu bee mos iha Manufahi.
Aleinde ne’e partisipa iha seminariu ne’e autoridade, lideransa komunitaria, grupu maneiza fasilidade, organizasaun feto, sosiedade sivil, inklui orador sira mai husi instituisaun governu, parseiru dezenvolvimentu Internasional no Nasional.DCRJ
