Manufahi RKM News—Tersa Loron (29-03),Batar ektáte 15 iha suku Betano hetan estrágu total husi pésti láho, prejudika produsaun batár tinan ne’e menus.
Presidenti Uniaun agrikultura Munispiu Manufahi, Delfia Pereira Us-Boco liuhosi konfrensia imprénsa tersa-feira (29/03) ohin hamutuk ho to’os na’in sira iha suku Betano, husu urjénti ba servisu dirasaun agrikultura munisípiu Manufahi, atu tún ba fatin akontesementu hodi foti dadus kona ba dezastre ne’ebé povu agrikultór sira infrenta, ho dezastre ne’e rendementu ekonómia povu agrikultór sira menus, tanba povu betano nia rendementu ekonómia depende ba produsaun agríkula.
Delfia Pereira ho to’os na’in sira, lamenta ho servisu agrikultura munisípiu Manufahi nian, tanba ekstensionísta sira nunka hakbesik an ba grupu to’os na’in sira, hodi halo levantamentu dadus kona ba situasaun ne’ebé povu agrikultór sira hasóru.
Hatán ba preukupasaun ne’e diretúr servisu agrikultura munisípiu Manufahi, Aurélio dos santos Marques infroma katak, provizórimente servisu agrikultura ladauk hetan dadus husi agrikultura, maibé ho informasaun ne’e servisu agrikultura munisípiu sei orenta ekstensionísta sira tún ba fatin akontesementu hodi foti dadus kona ba dezastre ne’e.(esm&Guterres).
