Manufahi RKM News-sexta Loron (01/04), Administradór Munisípiu hamutuk ho diretóra serbisu séntru solidariadade sosiál Munisípiu Manufahi hala’o asaun solidariadade fó apoiu nesesidade bázika ba família vulnirável na’in 3 iha suku Daisua no Betano, inklui veteranu subar líder Kairala Xanana Gusmáo iha suku Holarua postu administrativu Same.
Administardór Arantes Isaac Sarmento hateten, administarasaun Munisípiu estabelese ona planu kada Sesta-feira sei simu Komunidade sira atu rona direita sira nia preukupa iha eskritóriu administrasaun Munisipiu, nune’e no halo vizita tún direitamente ba komunidade sira, hodi fó apoiu nesesidade bázika, inklui atu haré kondisaun komunidade nia moris no rona sira nia preukupasaun.
Realidade ohin ami mai haré komunidade na’in 3 iha suku Daisua no Betano sira nia kondisaun vulnirável liu, komunidade terseira idade déz-abandonadu ida ho naran Mateus da Costa iha aldeia loti suku Daisua, la kaben no la iha oan, hela mesak iha ai-laran fuik dook husi komunidade sira iha bubur-laran área Luak-Manufahi, hela iha kondisaun uma kakúluk taka ho tali táhan no dídin ho bébak kondisaun gráve liu.
Komunidade na’in rua seluk feton ho na’an déz-abandonadu, Bernardino Vidigar tinan 79 ho nia feton naran Gabriela Seixas tinan 58, hela mesak iha aldeia Raifusa Suku Betano, hela ho kondisaun uma kakúluk táka ho tali tahan no dídin ho bébak.
Ami mai atu hare sira nia kondisaun no rona sira nia preukupasaun, nune’e autóridade sira bele buka dalan hodi rekopera sira nia kondisaun moris,”informa Arantes”.
Administradór Arantes akresenta, ami mós ba haré kondisaun saúde veteranu 15-19 Mateus Cardóso iha aldeia Datina suku Holarua, veteranu ne’e maka subar líder Kairala Xanana Gusmáo, nia hetan tiru husu militár Indonézia, maibé agora dadaun nia hetan moras búbu iha nia tílun hún ne’ebé kleur ona, ami kordena ona ho nia, atu lori ba konsulta nia moras, nia mós prontu ba halo Tratamentu ba nia saúde.
Entretantu familia vulniravel na’in 3 ho veteranu 15-19 ne’e, agradese ba adminitardór ho nia ekipa, ne’ebé mai haré ami nia kondisaun moris, tanba durante ne’e ami nia séfi aldeia no séfi suku rasik la mai vizita ami, hodi haré ami nia kondisaun moris.(esm& Guterres)
