Manufahi RKM News- Sexta feira Ne’e Klibur Jeocientista Manufahi hamutuk ho Ministério Edukasaun Juventude e Desporto halo abertura ba mini laboratorium Geolojia sistema imformasaun geografia ba ensino sekundorio jeral publiko no privado iha munisipio manufahi.neebe realija iha salaun eskola sekundaria jeral 1912 Manufahi.
Presidente klibur jeosientista Manufahi Joao da Costa Soares hateten,instalasaun laboratoriu no sistema imformasaun geografia hodi hadia qualidade prosesu edukasaun iha manufahi.
Hafoin instalasaun mini laboratoriu KGM sei Haruka manorin nain voluntario Sira no hanorin manorin nain Sira durante semana lima kada eskola sekundaria jeral publiko no privado Sira iha munisipio Manufahi.
Joao da Costa soares agradese ba doador nova Gelandia ne’ebe apoio fundo kiik balu ba Ami hodi ba eskola iha nova Jelandia hafoin remata estudo Ami Fila fali mai Timor hodi hari KGM iha munisipio Manufahi hodi Halibur fali manufahi oan Sira nebe remata iha Timor no nasaun seluk hodi kontribui no hadia kualidade edukasaun iha manufahi.
Director jeral Ministério Edukasaun Luis da Costa Fernandes reprejenta Ministru Edukasaun juventude e Desporto informa,apresia no parabens ba matenek Manufahi oan sira ne’ebe remata Sira Nia estudo iha siencia geologia hodi hari klibur Geosientista Manufahi .
Iha Timor Leste foin dahuluk iha Manufahi hodi responde duni ba nesesidade aktual Tamba iha eskola presisa tebes manorin nain ba disiplina Geolojia nian,ho klibur sientista nee bele ajuda eskola sekundario jeral Sira iha munisipio Manufahi.
Entretanto partisipante ne’ebe partisipa iha seremonia abertura instalasaun mini laboratoriu Diretór Edukasaun reprejentante Autoridade lokal Presidente Veteranos inklui manorin nain no estudante Sira. (Inha Araújo)
