Sunday, April 21, 2024
spot_imgspot_img
HomeFoto GaleriaMAE Oferese Komputedór no Printer ba Séfi Suku 29 Iha Manufahi

MAE Oferese Komputedór no Printer ba Séfi Suku 29 Iha Manufahi

Manufahi RKM News—tersa-feira (12/04) ohin, Ministériu Administrasaun Estatal (MAE)  distribui komputadór no printer ba séfi suku 29 iha munisípiu Manufahi, hodi  dezítaliza prosésu atendementu ba populasaun sira iha suku no aldeia.

Diretúr jerál dezenvolvimentu rurál MAE Rosito Guterres hateten, governu fó apoiu ekipamentu hirak ne’e baseia ba preukupasaun séfi suku sira durante tinan naruk.

“tamba la iha fasilidades  hanesan komputadór no printer iha séde suku, defikulta prosésu  atendementu ba populasaun sira”

Rosito Guterres akresenta, komputadór ne’ebé MAE distribui ba séfi suku  sira, instaládu no komfiguradu ona ho sistéma lívru 18.

“ atu nune’e  séfi suku sira bele uza de’it hodi fasilita nesesidade populasaun sira”

Séfi suku Daisua postu administratívu Same Amorin da Costa Sarmento agradese, ba oitávu governu konstitusionál liu husi MAE bele fasilita ona komputadór no printer ba suku.

“Nunee  hodi hala’o prosésu atendementu ba populasaun sira, tanba durante ne’e la iha komputadór no printer defikulta tebes prosésu atendementu ba populasaun sira iha suku no Aldeia”

Administradör munisípiu Manufahi  Arantes  Isaac  Sarmento  agradese, ba oitávu Governu liuhosi  MAE, hala’o esfórsu oin-oin hodi responde ona preukupasaun lideránsa komunitária sira, kona ba komputadór no printér iha sede suku, rehabilitasaun séde suku, hasa’e intensívu ba séfi suku no séfi aldeia sira, ho objetívu atu hadia di’ak liu kondisaun iha suku, nune’e bele hala’o prosésu atendementu ne’ebé dígnu ba populasaun sira iha suku no aldeia.

Entertantu distribuisaun fasilidade servisu ba séfi suku 29 iha munisípiu Manufahi, kada suku hetan komputadór 1, printer 1 no adaptór 1. (esm&Guterres).

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

0
Would love your thoughts, please comment.x
()
x