Manufahi RKM News-Tersa loron (19/04),Manuel de Araújo moris iha loron 06/09/1948 Iha aldeia Lakolo Suku Aitemua Postu Administrativu Turiskai tinan 74 la’o ba sentru Votasaun hodi azerse nia direitu hodi hili tuir konsiensia ba kandidatura presidensiál Segúndu Vólta ba tinan ne’e .
Manuel informa nu’udar sidadaun Timor oan tenki hili tuir hanoin hodi vota ba kandidatura Sira.
”ami hili tuir konsiensia maske mosu ba iha Segúndu Vólta ami nu’udar sidadaun Timor No bele hela Dok husi sentru Votasaun maibé nafatin esforsu hodi la’o ba tuir Vota iha Séntru Votasaun ”
Enkuantu maske loron manas ona maibé komunidade nafatin antusiazmu iha dalan hodi ba iha Séntru Votasaun
Entertantu Manuel de Araújo ho nia espoza maske ho idade ne’ebé avansadu ona no kaer ai tonka maibé hodi la’o ho distansia kilo metru ida resin hodi ba tuir sira direitu votus iha Séntru Votasaun Suku Aitemua Nian.
