Mnaufahi RKM News-kuarta fera (27/04) ohin Veteranu Munisípiu Manufahi lamenta funsionáriu públiku la partisípa másimu iha serimónia hasa’e bandeira no hatún bandeira iha komemorasaun loron Nasionaís kada tinan iha Luak-Manufahi,
Presidenti konsellu Munisípal kombatenti libertasaun nasional (KMKLN) Munisípiu Manufahi, Tobias Amaral Magno (Maksakur), hateten
Nu’udar veteranu lamenta tebes kada tinan ita selebra loron nasionís, hanesan loron restaurasaun independensia 20 de Maio loron proklamasaun independensia inklui loron nasionís sira seluk funsionáriu públiku sira partisípa de’it iha serimónia hasa’e bandeira,
Maibé iha serimónia hatún bandeira komunidade no estudante sira nafatin partisipa funsionáriu públiku sira la iha,
Nu’udar funsionáriu públiku tenki hatudu ezemplu di’ak ba komunidade no estudante sira tanba funsionáriu hanesan servidór povu no estadu la bele hadu atetude la diak ba povu
Komandante komandu polísia Munisípiu Manufahi superintendenti polísia Joni Viana das Regras hateten funsionáriu públiku sira tenke trenu orden unida tanba funsionariu la hatudu postura iha formatura ne’ebé loloos iha ambitu ordem unída,
Bainhira hasa’e bandeira no hatún bandeira funsionáriu públiku tenki fó kontinénsia ba bandeira ho fírme no labele book-an,
Parte polísia sei halo formasaun ba funsionáriu púbku kona ba formatura iha serimónia isár bandeira, Komandante komandu polísia Munisípiu Manufahi superintendenti polísia Joni Viana das Regras.
Administradór munisípiu Manufahi Arantes Isaac Sarmento husu ba diretúr servisu Munisípais atu kontróla funsionáriu sira,
Tanba administradór sei hasai karta sirkulár ba parte hotu atu hasa’e bandeira RDTL kada uma molok tama ba komemorasaun 20 de Maio,
No diretúr servisu Munisípais sira atu orenta funsionáriu sira partisípa iha lempeiza ba preparasaun komemorasaun no partsípa iha serimonia hasa’e bandeira hatún bandeira,
Se funsionáriu ne’ebé la partisipa seremonia ne’esei prosésu tuir lei funsaun públika nian,dehan Administradór munisípiu Arantes Isaac Sarmento
Presidenti komisaun organizadóra loron Nasionais Munisípiu Manufahi tinan 2022 Faustinho Soares hateten enkontru ne’e atu estabeleze seksaun sira hodi organiza no preparasaun ba serimónia komemorasaun loron restaurasaun independensia 20 de Maio tinan ida ne’e iha Luak-Manufahi,
No halo diskusaun kona ba programa ne’ebé sei realíza iha loron restaurasaun independensi 20 de maio 2022 no anima komunidade.
Entretantu partisípa iha enkontru ne’e, diretúr servisu Munisipais organizasaun feto,sosiaedade sivíl, inklui konfisoens relijioza sira.
