Manufahi RKM News— tersa-feira (10/05) horsehik, WaterAid Timor leste ho autóridade Munisípiu Manufahi no F-LBF hamutuk ho komunidade sira inagura kanalizasaun sistema bee mos iha suku Bubususu Postu Administrativu fatuberlihu Munsípiu Manufahi
Diretóra fundasaun Luta ba Futuru (F-LBF) Maria Boki Fernandes informa ,WaterAid Timor leste halo parseiru ho F-LBF apoiu finanseiru hodi implementa sistema bee saniamentu no ijéniku (BESI), iha aldeia Lehulau no aldeia Bubususu, hahú implementa iha fulan-Novembru 2021 no remata iha fulan-Fevereiru 2022.
“Iha Prosesu konstruksaun bee mos ne’e konstroe ona torneira 13 hodi fo asésu bee ba komunidade sira” dehan diretóra F-LB Iha suku Bubususu.
Tuin nia katak kanalizasaun bee mos bá iskola, sede suku no postu saúde iha suku Bubususu,iha prosesu konstruksaun bee mos ne’e motíva mós komunidade sira hodi halo rasik sintina permanente 45, sintina manual iha 13, no fasilidade fáse liman hamutuk 60.
“tamba ne’e iha prosesu kontrusaun ne’e gasta orsamentu hamutuk dólar Amérikanu $ 37,427.50, hodi fó susésu bee mos ba komunidade 292, ho totál uma ka’in 52 iha suku Bubususu “
Diretóra ne’e katak, iha prosesu ne’e estabelese mós grúpu maneiza fasilidade iha aldeia fatin rua, hodi jere no tau matan ba sistema bee mos iha aldeia fatin rua ne’e.
Country diretór WaterAid Timor leste Justin da Silva fó parabens ba komunidade suku Bubususu, ne’ebé kopera di’ak tebes ho WaterAid no parseiru implementaór konsege finaliza prosésu konstruksaun sistema BESI iha suku ne’e, no waterAid la duvida ba sustentabilidade Manutensaun sistema bee mos iha suku ne’e, inklui sei halo mundansa ba sintina manual sai sintina permanente.
Sefi suku Bubususu Estanislau Borges lori povu Bubususu, agradese ba waterAid, F-LBF no Governu bele fasilita ona bee mós ba komunidade sira, tanba uluk populasaun sira la’o ho distánsia dook ba kuru bee maibé agora populasaun asésu ona bee mos.
Inan-feton Imaculado Amaral no Marta Fátima sente urgullu, bele hetan ona bee mos tanba durante ne’e inan feton sira la’o ho distánsia dook ba kuru bee hodi atende nesesidade loron Loron, maibé ho apoiu waterAid ohin loron ami bele kuru bee besik liu.
Fatin hanensan Administardor Munisípiu Manufahi Arantes Isaac Sarmento, agradese ba parseiru sira ne’ebé tulun governu hodi halo kontruksaun ba BESI iha suku Bubususu inklui suku seluk iha Munisípiu Manufahi, hodi fó asesu bee mos ba komunidade sira.
Governu sei nafatin esforsu hodi serbisu hamutuk ho parseiru sira, kontinua hala’o dezenvolvimentu nune’e bele hadia povu nia moris iha nasaun ne’e,”informa Arantes”.
Entertantu Partisipa iha inagurasaun ne’e, WaterAid Timor Leste no Austrália, autóridade sira, lideransa komunitária, parseiru dezenvolvimentu no komunidade sira.
Jornalista :esm
Editor : Guterres
