Sunday, February 25, 2024
spot_imgspot_img
HomeFoto Galeriakomunidade uma kain 5 Iha Bairo Nularan husu urjenti Bombeiros Tesi Ai...

komunidade uma kain 5 Iha Bairo Nularan husu urjenti Bombeiros Tesi Ai hanek Ne’ebé fó Ameasa

Manufahi RKM News-Sábado (21/05) fin de Semana ne’e,Komunidade uma ka’in 5 iha bairo Nularan Same vila, husu urjenti korpu Bombeiros Munisípiu Manufahi, atu tesi ai-Hánek hún bo’ot ida iha estrada ibun,ne’ebé fó ameasa ba populasaun nia hela fatin, inklui movimentu transporte públiku iha sidade kapitál Munisípiu Manufahi.

Komunidade Benalitha Barros da Silva nu’udar na’in kios Rilly star, iha Bairo Nularan suku Letefoho iha sidade Same villa.
” prekupa ho situasaun ne’e, tanba ami hato’o pedidu dala barak ona ba serbisu Bombeiros Munisípiu Manufahi, atu tesi tiha ai-hún bo’ot ne’ebé fó ameasa populasaun sira nia hela fatin, inklui movimentu Komunidade ne’ebé la’o ain, no sira ne’ebé uza transporte públiku, maibé to’o agora la resolve”
Ami Komunidade uma ka’in 5 ne’e prontu apoiu kombustivel ba Bombeiros, hodi ense motosera (sensór) hodi tesi tiha ai hún bo’ot ne’e, maibé to’o agora ami hein sira la mai resolve, tanba ne’e ami husu autóridade Munisípiu nian, atu konsidera ami povu nia preukupasaun ne’e.
Komandante korpu Bombeiros Munisípiu Manufahi, juvinal da silva responde katak, ami rekoñese simu ona pedidu husi komunidade, atu tesi ai-hún bo’ot ne’e tanba fo duni rísku ba komunidade no transporte públiku iha sidade kapitál Munisípiu Manufahi, maibé to’o agora ami seidauk resolve tanba ami la iha fasilidade kompletu hanesan eskada no katról, tanba atu tesi ai-hún bo’ot ne’e presisa ekipamentu kompletu para salva mós fasilidade públiku sira seluk, hanesan fiu eletrisidade no fiu telekomunikasaun nian ne’ebé besik liu iha ai-hún bo’ot ne’e, ami Bombeiros hato’o ona pedidu ba Bombeiros nasionál maibé to’o agora seidauk fasilita ekipamentu ne’ebé ami husu.
Maske nune’e ami Bombeiros sei halo kordenasaun ho parte EDTL.EP, kompaña telekomunikasaun Telemor no parte administarasaun, atu buka meios hodi resolve situasaun ne’e, tanba ami Bombeiros mesak labele resolve. (Guterres &esm)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

Eletrisidade Iha Suku Liurai,Matorek,Foholau No Orana lakan semana tolu Mate mate to’o Fulan

Manufahi RKM News-kinta fera (22/2) ohin sefe suku Liu Rai hateten komunidade sira prekupa ho elitrisidade ne’ebe kompania dela intala durante tinan rua (2)...
0
Would love your thoughts, please comment.x
()
x