Manufahi RKM News—Centro Foinsa’e Dom Boaventura Maun-Fahe (CEFOBOM), Servisu hamutuk ho Sekretáriu Estadu Juventude (SEJD) Segunda – feira horseik (23/05), Realíza formasaun Edukasaun Sívika ba foinsa’e feto no mane na’in 35, iha Suku Aituha Postu administrativu Alas, Munisipiu Manufahi.
Reprezentante Pontu Fokal SEJD Munisipiu Manufahi Postu Alas Manuela Fernandes hateten, kna’ar hanesan Pontu Fokal SEJD postu Alas atu hare Liu konaba jovem kreativu iha postu.
“simmm liu-liu iha parte emprendedorizmu no foinsa’e kreativu iha parte Desportu ninian.
Nia hatutan tamba ne’e ho formasaun ida ne’e tenki aproveita didiak semana ida nia laran, hodi kapasita Foinsa’e sira nia koinesimentu ho di’ak.
Alende ne’e Séfi suku Aituha Alcino da Costa, ne’ebé reprezenta Administardór postu administrativu Alas, agradese ba CEFOBOM-SEJD deside Suku Aituha sai hanesan fatin ba formasaun Edukasaun Sívika ba Foinsa’e sira iha area refere.
Fatin hanesan Reprezentante Administradór postu ne’e, enkoraza foinsa’e sira atu aproveita didiak formasaun ne’e, hodi promóve kapasidade foinsa’e sira nian, hodi kontribui ba dezenvolve suku no aldeia.(Ekipa Jornalista)
