Manufahi RKM News—tersa feira (24/05) ohin,Institu Nasionál Saúde (INS) Kapasita formasaun ba Médiku no Parteira Sira kona ba Partu Mós no Seguru (PMS) Atu hodi redus taxa Mortalidade inan no oan iha Manufahi
Tuir Diretora INS, Domingas da Costa Pereira hateten Objetivu instutu nasionál da saúde mai iha manufahi hodi fo formasaun ne’e bazeia ba pedidu husi Diretóra Saúde Manufahi.
”ho formasaun ba dala rua ne’e atu kapsita di’ak liu tan Médiku no parteira sira atu halo atendementu ba inan isin rua ho di’ak no seguru tamba durante ne’e ita rona iha Manufahi taxa mortalidade ba inan ho númeru a’as”
ho ida ne’e mak parteira sira tenki halo asistensia ne’ebé di’ak ba inan isin rua sira fahe informasaun ba sira bainhira sira isin rua karik sira senti la konvortavel durante tempu isin rua parteira sira la bele baruk atu koalia
“tamba ne’e oportunidade ida ne’e aproveita didiak iha parte ne’ebé la kumpriende la bele moe halo diskusaun ho Formadora sira ho formasaun loron 10 ida ne’e parteira sira pesrciza halo diskusaun barak”dehan Diretóra INS iha Polo UNTL Nularan B Same Manufahi
tuir nia katak inan isin rua ho oan sira perciza parteira sira nia asistensia tamba ne’e parteira sira tenki iha asistensia ne’ebé kualidade .
tamba ne’e Diretóra Saúde Munisípiu Manufahi Florencia Cortereal Tilman iha haktuir formasaun ida ne’e kapas tamba foin mak realiza ba dala rua iha Manufahi.
“tamba ne’e Husu parteria Sira atu aproveita didiak hodi Halo Atendementu ba inan partu sira atu prevene no redus taxa mortalidade inan no oan tamba tinan ida ne’e númeru Mortalidade ba inan a’as”
Fatinn hanesan Médiku Jeral Postu Saúde Betanu Dircia Albertina Dias Ximenes
Hateten senti kontenti tamba formasaun ba partu mos no seguru durante loron 10 ne’e nune’e bele iha koinsementu diak hodi halo atendementu ba inan isin rua sira atu hodi redus mortalidade inan no oan.
entertantu formasaun ne’e realiza ba Médiku no parteria sira husi Postu Saúde sira iha Manufahi durante loron 10
