Manufahi RKM News—tersa feira (24/05) hurseik,Diretora Serbisu Saúde Munisípiu Manufahi, Florença Corte Real Tilman aprezenta, iha fulan-Maiu nia laran inan isin rua na’in rua ne’ebé atu partus mak mate asuntu ne’e haktuir hafoin INS (Institutu Nasional Saude formasaun ba Mediku No parteira sira iha Polo UNTL Manufahi Nularan Same.
“Iha inan isin rua kompostu husi ida bebe mate iha kabun laran rezulta inan ra’an fakar, no ida mai ho tensaun a’as hodi rezulta mate, nune’e sira na’in rua mate iha maternidade Same”dehan, Diretora, Florencça ba jornalista iha Same, Tersa (24/05).
Tuir nia katak, iha fulan-ida nia laran mak ema na’in rua mak mate dala ida ne’e ita foti hanesan kazu ba mortalidade ne’ebé a’as iha Manufahi.
“Kazu ne’e akontese tanba kelelayan (sigla-Indonesia) tanba la fó informasaun klaru ba inan isin rua sira ho ida ne’e inan sira mós hanoin katak ninia kondisaun partus normal maibé momentu partus hein to’o labele mak bolu ita ba mós labele ona”Florença esplika.
Maibé tuir lolo’ós inan isin rua ne’ebé ho kondisaun (Post Sezariana) no tensaun a’as nia tama ona ba semana 37 tenki iha ona ospital, maibé tanba saúde la dun fó informasaun klaru ba inan sira nune’e sira mós sente diak maibé ikus akontese buat ruma ita tarde ona.
“Tanba ne’e ha’u kestiona Kelelayan” saúde tanba la informasaun klean ba inan isin rua sira”nia dehan.
Nune’e hanesan responsavel masimu ba serbisu saúde iha Manufahi, bainhira akontese kazu sempre halo audit atu hodi hatene ninia kauza husi saúde sei tur hamutuk hodi hadia fila fali.
“Bainhira audit mak hetan kauza husi komunidade ami sei tun diretamente ba familía inklui autoridade alde ho xefe suku hodi bele fahe informasaun klean liu kona-ba isin rua, nune’e mós fahe informasaun kona-ba perante isin rua, parte no postu partus”nia dehan.(esm)
