Sunday, June 23, 2024
spot_imgspot_img
HomeNotisiaKomunidade husu Governu Rezolve Ponte 4 Abandona Durante Tinan 10 iha Fatuberlihu

Komunidade husu Governu Rezolve Ponte 4 Abandona Durante Tinan 10 iha Fatuberlihu

Manufahi RKM News— tersa-feira (23/05) ne’e, Povu Fatuberliu husu urjénti governu resólve ponte 4 ne’ebé naksóbu, no abandona ona durante tinan 10, hodi defikulta movimentasaun komunidade  no estudante sira iha postu Fatuberliu iha tempu udan bo’ot.

Estudante Finalísta universidade nasional Timor lorosae (UNTL), Domingos Coreia Vidal  hato’o nia lamentasaun katak, ponte 3 iha kapitál postu Fatuberliu iha estrada protokólu parte tasi Mane nian, ligasaun munisípiu Manututo,Manufahi,Viqueque no Covalima, no ligasaun husi suku Clacoc,Fatukahi ho Bairo Wecen, naksóbu iha tinan 2013 to’o ohin loron halo ona tinan 10, kompaña abadona hela.

“ no ponte ida seluk iha mota Suai iha Suku Kaikasa naksóbu durante tinan 5 ona, maibé husi abandona hela seidauk hadia, hodi defikulta movimentasaun komunidade sira paradu total iha postu Fatuberliu, li-liu estudante sira wainhira iha tempu udan bo’ot”

Preukupasaun hirak ne’e kada tinan komunidade sempre hato’o ba autoridade munisípiu no governu sentrál, maibé to’o agora la iha solusaun.

“ho ida ne’e povu kontinua infrenta problema iha tempu udan atu asésu ba merkadu, iskóla, saúde, Igreiza no instituisaun públiku sira seluk”

tanba ne’e sira husu urjéntimentu ministériu obras públika atu hadia lalais ponte 4 ne’ebé aat iha postu Fatuberliu.

“ durante ne’e Inan isin-rua sira ne’ebé partus balun la konsege sálva vída, tanba probléma ponte 4 ne’ebé naksóbu hodi defikulta parte saúde atu halo atendementu ho lalais ba inan isin-rua inklui komunidade sira”

Estudante Finalísta Domingos Coreia Vidal  ne’e akresenta,  konstruksaun Ponte PLN postu Fatuberliu ne’ebé implementa husi kompaña 4 konsórsiu responsábel husi kompaña UNIFAMA unipesoál, no kompaña 4 seluk ne’ebé halo kontruksaun ba Ponte Fatumutin responsabiliza husi kompaña konsórsiu FATULEDU unipesoál, abandona hela ponte refere hodi defikulta komunidade sira.

Estudante finalísta UNTL ne’e, Husu komunidade postu Fatuberliu atu ezíji ba governu no parlamentu nasionál, atu buka solusaun lalaís ba situasaun ne’e populasaun postu Fatuberliu hasóru,.

“no husu parte ministériu kompetenti atu hapara atividade kompaña sira ne’ebé abandona konstrusaun ponte 3 iha postu Fatuberliu”

Tanba ne’e husu orgaun independenti sira atu halo investigasaun kle’an ba kompaña 3 ne’ebé abandona konstruksaun ponte 3 ne’e, hanesan ponte mota wé-au Fatubesi, ponte mota Wé-au wekiar, no ponte mota wé tete fuik.

Hatán ba preukupasaun ne’e administradór munisípiu Manufahi Arantes Issac Sarmento hateten, iha tinan kotuk ekipa nasionál husi ministériu obras públika identifika ona ponte 4 refere.

“hau rona infromasaun husi minístru obras públika sesante wainhira halo lansamentu ba instalasaun enérjia eletrisidade iha suku Tutuluro postu administratívu Same foin lalais, ha’u informa direita ba minístru obras públika sesante no nia responde katak.

Ho ida ne’e ponte 4 ne’e tama ona iha prosesu tenderizasaun, loloos ne’e implementa ona iha tinan kotuk maibé la konsege tanba mósu covid-19, tanba ne’e fiar katak iha tinan ida ne’e bele implementa ona, hanesan servidór povu Manufahi kontinua nafatin hato’o preukupasaun komunidade nian ba governu sentrál. (Guterres&Esm).

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...
0
Would love your thoughts, please comment.x
()
x