Manufahi RKM News–Segunda loron (30/05) Mery Mackilop Today (MMTT) ho autoridade postu Turiskai no edukasaun Munisípiu inaugurasaun konstrusaun saneamentu báziku (Sentina eskola no fatin lixu eskola) hodi estrega ba eskola Ensinu Baziku Filial (EBF) no eskola Ensinu Baziku Sentrál (EBC) sanulu iha, postu administrativu Turiskai, Munisípiu Manufahi.
Seremonia inaugurasaun ne’e husi eskola EBF Kaimauk reprezenta eskola eskola EBC Tarabula, EBF Orana, EBF Matorek, EBF Fohotu, EBF Mindelo, EBF Fatukalo, EBF Lesuata no eskola EBF Liu rai no EBF Aitemua.
Iha seremonia inaugurasaun ne’e Country Diretor MMTT Alipio Baltazar hateten, fundus ba konstrusaun no rehabilitasaun ba hariis fatin no lixu fatin iha eskola tanba kondisaun laiha.
“Ha’u tama eskola sira iha Manufahi hare eskola sira la iha kondisaun hariis fatin no fatin lixu fatin”dehan, Baltazar liu husi intervensaun iha eskola EBC Caimauk, iha suku Caimauk, postu administrasaun Turiskai, Munisípiu Manufahi, Segunda (30/05).
Nia dehan, projeitu literasia ka programa saúde eskolar ne’e hanesan programa ida hosi Mary Mackillop Today (MMTT) ne’ebé fornese ba eskola sira ho fundus ki’ik.
“Fundus ki’ik ne’e oinsá atu hodi halo regabilitasaun no konstrusaun hari’is fatin ho lixu fatin”nia dehan.
Nia hateten, dala barak hare kondisaun eskola iha area rurais limitadu tebes-tebes tanba ne’e projeitu MMTT halo formasaun kona-ba saúde eskolar ba manorin nune’e sira transforma tutan ba estudante.
“Moris saudavel tenki fase liman, se la fase liman akontese moras diarea, mear no moras sira seluk-seluk tan ne’ebé kona maibé hare ba realidade fasilidades laiha”nia dehan.
Country ne’e dehan, kuaze tinan 4-5 kuaze hetan apoiu masimu husi autoridade sira iha suku to’o munisípiu inklui responsavel kada eskola hodi implementa projeitu kiik iha eskola sira.
“Buat ne’ebé ami halo maske ki’ikoan maibé labele hare ba ninia medida maibé hare ba ninia benefisiu ba tempu naruk no ida ne’e iha area remotas iha valor ne’ebé bo’ot tebes”nia dehan.
Tanba ne’e MMTT kria kondisaun baziku minimu ba eskola sira hodi nune’e alin estudante liuliu feto sira bele ba soe foer ho di’ak no seguru.
“Neduni obra ne’ebé finaliza ona ohin MMTT ofisiáliza entrega ba autoridade nune’e nune’e hodi entrega ba eskola sira”nia esplika.
Enkuantu projeitu ne’e hamutuk sanulu kompostu husi konstrusaun sintina ulau (8) no konstrusaun lixu iha rua (2) no hari’is fatin ne’ebé iha hodi aprende utiliza.
Fatin hanesan Diretor edukasaun Munisípiu Manufahi, Trinito Sarmento agradese ba parseiru MMTT ne’ebé apoiu ona Ministeriu Edukasaun (ME) ne’ebé apoiu ona eskola sira iha Manufahi.
Edukasaun maske ihs ministeru ida bo’ot tebes maibé iha parte balun kapasidade latoo atu responde ba nesesidade ne’ebé eskola infrenta maibé liu husi parseiru bele hakmaan naha ne’ebé ministeriu lori hela.
“Maske ita hare ba kondisaun fiziku ne’e ki’ik no labele hare ba ninia ki’ik maibé tenki hare ba ninia benefisiu ba ita ne’e mak saida neduni tenki kuidadu halo didiak, labele estraga no labele lori fatuk tuda”nia dehan.
Diretor ne’e rekomenda ba inan aman sira atu toma atensaun ba oan sira atu labele lori tinta hakerek halo makerek tun sae, bainhira hetan labele ibun toos atu hase.
Tempu hanesan Koordenador eskola EBF Caimauk, Alarico Nunes agradese ba apoiu ne’ebé Mery Mackillop Today (MMTT) apoiu liu husi konstrusaun sintina ba eskola no lixu ba eskola.
“Ami agradese tebes ba apoiu ida ne’e no ami esperansa katak ho apoiu refere bele ajuda ona ami nia eskola do’ok husi foer”nia dehan.
Tuir informasaun ne’ebé Timor Post rekolla iha tereinu katak, MMTT halo projetu konstrusaun hariis fatin no fatin lixu ba eskola EBC Tarabula, EBF Orana, EBF Matorek, EBF Fohotu, EBF Mindelo, EBF Fatukalo, EBF Lesuata, ne’e ba hariis fatin no lixu eskola ba eskola EBF Liu rai, EBF Aitemua no EBF Kaimauk.
Neduni totál eskola hamutuk mak hetan apoiu fundus husi MMTT kada sintina hetan orsamentu dólar Amérika no rihun ida atus lima no kada fatin lixu ida hetan orsamentu dollar atus hitu lima nulu.
Totál orsamentu ba sintina hitu (7) ne’e hamutuk dollar rihun sanulu atus lima no orsamentu ba fatin lixu tolu ne’e hamutuk dollar Amerikano rihun rua atus rua lima nulu.
