Manufahi RKM News—tersa feira(31/05)ohin,Komandu PNTL Munisípiu Manufahi halo observasaun kona ba sinais tranzito iha merkasu Same hodi kontrola kondutór kareta sira kumpri sinais ne’ebé mak regula ona
Tuir Sefí Tranjitu Munisípiu Manufahi Ivon Magnu inform a Jornalista sira iha Merkadu same katak,observasaun ne’e bazeia ba iha servisu PNTL no DNTT nian tamba monta ona sinais Tranzitu iha merkadu durante semana ida.
“tamba ne’e mak Komandu orienta hodi halo observasaun ba kondutor kareta atu kumpri nafatin sinais sira no la bele para kareta iha merkadu no kondutor kareta sira bele para iha terminal ho ida ne’e mak nafatin fo hanoin ba sira.
Karik kondutor ne’ebé mak la kumpri regras sira ne’e komandu sei fo sansaun hodi selu koima ba iha kofre Estadu bazeia ba baze legal kona ba sinais tranzitu nian lei nomor 6/2003.
Alende iha observasaun ne’e PNTL detein motorizada tolu ne’ebé kontra lei tranzitu nian .
“ami detein tamba bainhira sidadaun sira ne’e ba trata dokumentus PNTL No DNTT halo edukasaun cívikaou treinamentu ba sidadun sira maibé sira nafatin kontra sinais tranzitu “
Nia sublina parte DNTT ho PNTL planu ba oin sei kria fatin terminal permanenti ba transporte públiku no privadu sira atu hodi normaliza komunidade sira nia movimentasaun livre iha merkadu..
Enkuantu observasaun jornalista katak iha area merkado nian iha estrada la iha mikrolet ho transporte sira seluk para iha fatin refere no kondutores sira kumpri no para kareta iha fatin terminal .
Alende situasaun iha merkadu same la’o normal hanesan babain tamba hetan siguransa maximu husi parte PNTL Munisípiu Manufahi.
