Sunday, April 21, 2024
spot_imgspot_img
HomeNotisiaAutoridade Manufahi Husu Investíga Médiku Sira tamba Númeru Mortalidade Iha...

Autoridade Manufahi Husu Investíga Médiku Sira tamba Númeru Mortalidade Iha Manufahi Aumenta

Manufahi RKM News— segunda-feira (06/06) ohin.Administradór munisípiu Manufahi, husu urjénti halo investigasaun ba médiku  fó partus ba inan no bebé ne’ebé mate, no bólu atensaun ba servisu saúde munisipal atu servísu ho sériadade hodi sálva povu nia vída, tanba númeru mortalidade tinan 2021-2022 kontinua aumenta.

Séfi gabineti adminisrasaun munisípiu Manufahi Filomeno Tilman, hanesan inspetúr  serimónia isár bandeira konjúnta semana dá-huluk fulan Juñu tinan 2022, lé mensájem administradór munisípiu Manufahi Arantes Isaac  Sarmento ne’e, ba funsionáriu publiku sira iha resíntu administrasaun munisípiu

Iha ménsajém administradór  munisípiu nian, bolu atensaun servisu saúde hanesan servidór estadu,tenki iha spíritu nasionalízmu no patriotízmu hodi serví ba rai no povu Manufahi ho responsabilidade, tanba durante ne’e povu lamentádu ho atendementu servisu saúde nian.

“ ne’ebé la sériu no la ho responsabilidade, hodi fó rísku ba pasiente sira nia vída la konsege sálva, inan isin-rua sira partús balun bebé  moris maibé inan mate, balun fali inan moris bebé mate, ne’e la tama iha ha’u nia kakútak, númeru moras íspa no dénge  kontinua ás inklui moras sira seluk iha Manufahi”

Arantes lamenta no preukupa, Médiku sira tuir ona formasaun barak,tanba sá inan ho bebé kontínua mate wainhira partus, kámpu aviasaun du’ut náruk administrasaun munisípiu Manufahi,buka kordenasaun ho servísu agrikultura aránja tratór lere du’ut nian hodi hamos, ho intensaun atu fasilita servisu saúde nian, hodi responde emerjénsia ba pasiente sira túla ho aviaun ba óspitál nasionál Guido valadáres Dili.

Autóridade másimu munisípiu Manufahi ne’e, husu dirijénti servisu saúde nian atu sériu no fóku ba prosésu atendementu ba povu,labele fóku de’it ba programa ida de’it, maibé fóku ba servísu iha área seluk, tuir programa ne’ebé governu planeia ona, nune’e bele sálva povu iha rai ida ne’e.

Responde ba asúntu ne’e, diretóra servisu saúde munisípiu Manufahi Florénçia Corterál Tilman liu hosi vía temóvel hateten, inan partús ne’ebé mate tanba iha probléma 3, prímeiru desizaun familia lori pasiente ba óspitál tarde, tanba sei halo kultura molok lori pasiénte ba óspitál, segúndu tárde husi transporte ka ambulánsia túla pasiente ba óspitál tarde,tanba transporte iha postu saúde Fatuberliu aat to’o agora ladauk halo manutensaun, entau tenki liga fali ba postu Saúde Alas maka atende pasiente, terseiru atendementu tarde tanba pasiénte lori ba ospitál tarde labele sálva.

Florençia reálsa, Númeru mortalidade inan no bebé iha tinan 2021 la dún fíksu tanba ha’u tenki háre dadus, maibé iha tinan 2022 husi fulan Janeiru-Juñu bebé mate na’in 3 no inan partus na’in 2 maka mate, situasaun hirak ne’e mósu tanba saúde Manufahi  infrenta problema kona ba transporte, no agora dadau transporte 2 maka paradu labele halo atendementu ba pasiente, tanba seidauk halo manutensaun.

Diretóra saúde ne’e garantia katak, ba oin saúde sei halo atendementu di’ak liu ba pasiente sira,tanba dadaun ne’e médiku sira tuir ona formasaun kona ba oinsá fó partus ho mos no segúru.

Entretantu administradór munisípiu Manufahi sei partisipa hela inkontru ho membru governu sira iha kapitál Dili.(reportagen ekipa kobertura)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

0
Would love your thoughts, please comment.x
()
x