Manufahi RKM News—tersa feira(07/06) ohin,Institutu Nasionál Saúde Fasilita formasaun kona ba planu asaun komunidade saneamentu no higiene (PAKSI) ba pessoal saúde 25 iha Manufahi
Tuir reprezentante Diretóra ezekutivo INS Justino de Araujo nu’udar Xefi Departamentu Polítika Relasaun Externa hateten formasaun ne’e realiza atu hodi hasa’e koinesemento pessoal saúde sira nian kona ba planu asaun komunidade saneamentu no higiene ba komunidade sira iha Manufahi.
“antes ba iha komunidade sira tenki iha uluk koinesementu klean kona ba PAKSI Oinsa komunidade sira bele hatene kona ba moris mos no saudavel no kada familia tenki evita no la bele soe foer bo’ot arbiru”haktuir Justino
Alende ne’e komunidade sira hotu bele iha sintina nune’e la bele soe foer arbiru hodi prevene moras sira.
Nune’e mós reprezentante Diretóra servisu Saúde Munisípiu Manufahi Victor Martins nu’udar responsavel ba saude ambiente Manufahi informa atividade PAKSI ne’e hanesan kontinuasaun.
“ita hatene iha Manufahi iha tinan 2019 halo ona deklarasaun ALFA iha tinan 2022 tama ba iha preparasaun saneamentu eskada tolu hanesan area liman mos no suku hijieniku iha postu administrativu Alas”
Nia akresenta ho formasaun ne’e atu hodi hasae koinesementu pessoal saude sira nian nune’e foti sira hanesan motivador ida ba iha komunidade atu hodi motiva komunidade sira ne’ebé mak la iha sentina liliu iha suku no aldeia sira.
“atu nune’e komunidade sira transforma an tuir estandarizasaun saude tamba sanitasaun la diak bele difikulta moras oin oin henesan mal nutrisaun,moras kulit,tee ben no moras sira seluk”
Fatin hanesan reprezentante pessoal saúde Donatos Bali nu’udar sanitaria iha Sentru Saude Manufahi senti kontenti ho formasaun PAKSI atu hodi fasilita pessoal saúde sira sai hanesan mata dalan ba komunidade sira tama sai uma hodi halo monitorin ba sintina komunidade atu uza sanitasaun ne’ebé di’ak .
Entertantu formasaun ne’e realiza durante loron 10 ba pessoal saude sira no formador ne’ebé fasilita mai husi Munisípiu Baucau,Lautem no Maliana.(esm)
