Wednesday, July 17, 2024
spot_imgspot_img
HomeNotisiaBEBÉ IDA MATE TÁN IHA MANUFAHI TANBA PARTUS

BEBÉ IDA MATE TÁN IHA MANUFAHI TANBA PARTUS

Manufahi RKM News—Bebé ida mate tán tanba partus mais ou menus tuku 1 madrugada kuarta-feira (08/06) ohin,  iha aldeia Manus suku Taitudak postu Alas,tanba familia informa tarde ba saúde lori ba sentru saúde Same.

Bebé nia avó feto Conceição da Costa infroma katak, durante ne’e, bebé nia inan sempre ba halo tratamentu ba kondisaun saúde ba inan no bebé iha ospitál,rezúltadu   kondisaun normal hela no nia tempu atu túr ahi akontese duni iha loron 7 fulan-Juñu tersa-feira horsehik,no iha tuku 12 kalan tersa-feira (07/06) hori kalan, bebé nia inan sente kanótak moras no telefone kedas ba ambulansia, maibé ambulánsia to’o iha fatin bebé mós moris maibé ho kondisaun mate.

Bebé nia aman Romantino da Costa realsa, nia kaben sente kanótak moras  nia telf kedas ba ambulansia maibé ambulansia to’o iha uma nia kaben túr-ahi ona,maibé  bebé nia ain maka uluk ho kondisaun la iha ona ís (Mate), durante ne’e nia kaben isin rua sempre ba halo konsulta kada fulan la falta iha sentru saúde same ba kondisaun saúde inan no oan.

Parteira Flaviana Perreira Afonso ne’ebé halo atendementu ba pasiente ne’e klarifika ba jornalista sira katak, pasiente ne’e sente kanótak moras iha tuku 12 hori kalan, maibé ami símu kontaktu iha tuku 5 madrugáda husi parteira ne’ebé durante ne’e aténde no halo tratamentu ba paseinte refere,maibé dadaun ne’e parteira refere lisénsa hela no dadaun ne’e iha hela Dili, ami símu kontaktu husi parteira ne’e, no  ami mós kontaktu ba ambulánsia ba tula pasiénte, maibé demora durante minutu 15 ami to’o iha fatiin tanba informasaun husi familia sira maka la klaru kona ba hela fatin, familia sira kontaktu dehan pasiente nia hela fatin iha aldeia Roin suku Tutuluru postu Same,maibe ambulánsia toó iha fatin refere kontaktu fali dehan paseinte nia hela fatin iha parte estrada ba dirasaun suku Fahinehan nian postu fatuberliu  iha área postu Alas nian.

Ambulánsia to’o iha pasiente nia uma, pasiénte partus ona iha uma  ho kondisaun ain maka uluk, bebé seidauk sai komplétu maibé kondisaun la iha ona ís, tanba bebé nia inan la dún iha forsa atu partus entau parteira ajuda konsege hasai bebé, entau parteira esfórsu atu sálva ninia inan tanba bebé nia kán seidauk sai no médiku sira konsege hasai bebé nia kán,no  ambulánsia lori kedas mai ospitál Same hodi sálva bebé nia inan no oras ne’e ho kondisaun nórmal.’’informa parteira Flaviana’’.

Parteira Flaviana realsa, , relasaun ho bebé ne’ebé partus maske ain maka uluk ne’e la iha problema, importante familia sira labele demora kontaktu lalais,  tanba ne’e husu ba inan isin rua sira ne’ebé atu partus li-liu ba familia sira, labele demóra informa ba parte saúde kuandu inan isin rua sira sente ona kanótak moras, nune’e saúde bele atende lalais hodi sálva inan no bebé ne’ebé partus, kuandu inanisin rua sira ne’ebé partus demóra de’it minútu 5 sei afeta ba inan ho bebé.

Entretantu tuir observasaun pasiente ne’ebé partus dadaun ne’e kondisaun normal, no bebé ne’ebé mate parte saúde entrega ona ba familia hodi submete ba prosesu funébre. (ekipa kobertura)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

LANSAMENTO PROJETU KONSTRUSAUN TANKI DESKAREGAMENTU OLIO FOER IHA SUKU MAHAKIDAN

Manufahi RKM News===Loron Sabtu 13/07 Minggu lalu Otoritas Kota Manufahi telah mengumumkan kepada Pemimpin Komunitas Jeral Ambiente bahwa mereka meluncurkan Proyek Konstruksi Tangki Penyimpanan...
0
Would love your thoughts, please comment.x
()
x