Manufahi RKM News—Segunda feira (13/06) ohin,komandu polísia distritu Manufahi selebra loron padrueiru santo Antonio iha areadores komandu polísia distritu Manufahi.
Iha ambitu selebrasaun ne’e superintente Joni Viana das Regras hateten, atu dezenvolve serbisu PNTL lao ho diak liu tan tenki hetan tulun husi padrueiru Santo Antonio.
“Ita tenki kontinua amostra no ilustra ita nia fiar ba mahein santo Antonio”dehan Joni liu husi intervensaun iha Same, Segunda (13/06).
Superintendente ne’e hateten, tinan ida la’o liu ona tanba atu refleta katak buat balun ne’ebé parte polísia halo liu ona karik buat balun di’ak no balun la di’ak.
“Karik ami nia atetude ruma no Testamentu ba ita boot sira la di’ak ami husu ita boot sira perdua ami”nia dehan.
Nune’e nia dehan, bainhira atu dezenvolve di’ak liu tan serbisu PNTL ita nafatin husu Santo António nia tulun espiritu vertude hodi tane a’as instituisaun PNTL no rai doben Timor.
“Maibé ha’u nia precenza iha munisípiu Manufahi kuaze iha serbisu no kolaborasaun serbisu ne’ebé di’ak tebes ho selebrasaun ne’e ita nafatin hametin di’ak liu tan espiritu unidade”nia sublina.
Molok hakotu nia dehan, ho serbisu kooperasaun no kolaborasaun ne’ebé di’ak hetan apresiasaun husi nai ulun sira husi nasionál
Entertantu partisipa iha selebrasaun ne’e Reprezentante Administradór Munispiu,Funsionariu CNE,BNCTL,Bombeiros,Madre CIZ No Komandante PNTL ho nia mambrus iha Kuartel PNTL Manufahi
